لولاك يالورع الصغير الفروعـي =ماجيت لك من نجع أهلى متعنـي
ياصغّير الانهاد طيـرت شوعـي =دايـم ورجلـى يمكـم ماتـونـي
لي هرجتك لو هي قليلـة قنوعـي =لو كان هرجك يسلب العقل منـي
حبك تخلخل في مثاني ضلوعـي =حتي بنوم الليـل ماغبـت عنـي
وإن غبت عني يامليح الطبوعـي =قامـن دواليـب الغـرام يحدنـي
فزيت ثم قامت تماطـر دموعـي =مثل الخرز من رشهـن يمطرنـي
وأقنب كما ذيبٍ عوى عقب جوعي =واليا عوى معه الضلـوع يعونـي
لاقام يقنب في طويـل الفروعـي =لاشاف مخلوقٍ ولا شـاف جنـي
أرضٍ خلا مابه من الناس دوعـي =إلا الفجـوج الخاليـات يهـونـي
الذيب يقنب ماحصل لـه متوعـي =وأنا بـلاى اللـي بحبـه محنـي
راعي جديلٍ فوق ردفه شروعـي =ذيل أشقرٍ شـاف السبايـا تعنـي
لاشافني زعـلان ماعـاد يوعـي =ذولـي مقابيـلٍ وذولـي يجنـي
يقول أنا لك شايـمٍ مـن ربوعـي =واقـول مافـاد الحكـي والتمنـي
ماأنت متهى لى لو أحـب كوعـي =دونـك حجاجيـرٍ تحـن وتونـي
إلا يجيبك من يجيـب الرجوعـي =مخلي الفياض الممحله يخضرنـي
أو يأمر الله من يقـود الجموعـي =عبدالعزيـز الفيصلـي يمتكـنـي