تعديت الاسأه والكرامه يازميل الكفر=وعاد تقول انا من هالبلاد ومنتمي فيها
تريد ان العذراء يكشفن الوجه وياالستر=وتريد ان الحلاوه تنكشف ثم عاد نشريها
عليك الله وين الغيره الي نابته بالصدر=ووين الدين وينك يالشهامه وين طاريها
ترعرعنا على حب الكرامه من زمان الصغر=وتتلمذنا على يدين الشيوخ بطيب راعيها
وطنا ياوطنا في زمان اللين والا العسر=يريدون الاجانب عرض اهلك في دعاويها
دعونا بالتخلف والتحجر واننا مصدر=الى الارهاب ثم منع الحقوق ومن يطريها
حقوق المرأه انهانت بدار الغرب واهل الخمر=وفيه اطفال ماتدري عليم الله اهاليها
عواقب هالتفتح والترفع ومجارات العصر=ووين الحق في هاذا الكلام ويش محليها
مادام ان الوطن صالح تدور ليه درب الشر=وفيه ارجال ماترضى تشكك في عزاويها
رجال(ن) يفتدون الدين بالارواح قبل الامر=وحنا الامه الي دارنا بالروح نفديها
يعاد شلون في هرجة سقيط الرأي مفشي السر=ولو مافيه اسرار(ن) بهالدنيا بننفيها
يحاول يكسب العالم بهرج مهذب(ن) مفتر=وهو لو تسأله بالفرض مايعرف يصليها
يصليلك صلاة العصر ثم رح دوره بالفجر=صفات الشرك في دمه مايعرف كيف يخفيها
وفي راسه خداع وحيلة(ن) متضمنه بالمكر=وفي جوفه على العله علايل مايداويها
درس فالديار كفر(ن) كبدها من ديننا تحتر=عطته الشر قبل العلم سوتها بايديها
نسيت الامر بالمعروف والناهين للمنكر=نسيت الديره الي علمها بالدين مضويها
وفي يوم القيامه كيف تتاهرب من المحشر=نسيت الارض لاماتت وكيف الله يحييها
وقبل اليوم هاذا اذكرك في ضلمة المقبر=ماتسمع غير اهلك وكيف تتماشى خطاويها
بعد هاذا تبي تحرف علينا ديننا تقدر=تحرف في الجميع الي ديار الله حاميها
وباختم هالقصيده كلمتي هاذي من الاخر=على نهج النبي نبقى على اولها وتاليها