|
قصيدة خلف فيحان الدجيماء في مسيب غانم قبل وفاته
من يخاويني نبي نضرب خريمة = لي ثلاث ايام تطريلي طواري جاهزن جيبي وانا عندي عزيمة = مستعدن للغدو ولا المساري ناويلي نيتن بيضا سليمه = ودي آصل من نزل ذيك البراري الوصل مطلوب والصده ظليمة = فالحديث اللي رواه ابن البخاري لخو عزوه عندنا قدرن وقيمة = يالله انك ترزقه من كل خاري راعي الطالات مهزومن خصيمة =ما تهوش اعداه لو فيها حماري يوم وقت الخوف في سنين قديمة = محزمة مليان والبندق سواري ما يحب الكذب كله والنميمه = عادته يا اهل الوفا من عصر ضاري الشجاعه فيه والهمه عظيمة = عند ربعه مثل دكتور استشاري يا ولي العرش تكفيه الجحيمه =جعل بعد الموت ما يصبح نياري شايبن مطنوخ يا مال الغنيمه = زين شرب الكيف عنده يالحداري في فياظن نبتها ربل وبريمه = والزبيدي من يمين ومن يساري مرتعن لنوق ومربي غنيمه = والدبش مرتع وتسمع بالحباري جعل يسقى المستوي وبلن وديمه = من طلوع الشمس الى حد العصاري والسلامة اختام والنية سليمة = يا عسى بدهان يعفيه الشراري |
رد : قصيدة خلف فيحان الدجيماء في مسيب غانم قبل وفاته
صح لسان الشاعر ابو محمد والله يرحم ابومقبل ويرحم اموات المسلمين
وخلف شاعر معروف لكن لايرغب الظهور الاعلامي لكن لا اوصيك يا تاراتا عطنا من جديده وبعدين اخي تاراتا وش معنى هاللقب وش رايك تغيره؟؟ قل تم |
رد : قصيدة خلف فيحان الدجيماء في مسيب غانم قبل وفاته
http://upfiles.yallarab.com/files/f3a5325fe2.jpg
رحم الله مسيب وقصيده جميله من خلف بن فاحان واول مره اعرف انه شاعر ..ماشاء الله عليه بارك الله فيك يا تراتا وكما قال اخونا ابن غلاب ياريت تغير هالمعرف للاحسن تقبل تحياتي / راس الضلع |
رد : قصيدة خلف فيحان الدجيماء في مسيب غانم قبل وفاته
اخي العزيز /راس الضلع...
((تداركنا الامر)) ولكـــــــــــــــم مــــــــــــــني الجديـــــــــــــــــــــــــد..... |
رد : قصيدة خلف فيحان الدجيماء في مسيب غانم قبل وفاته
احسنت وتم تدارك الامر ...هفوه ونا خوك ..
|
رد : قصيدة خلف فيحان الدجيماء في مسيب غانم قبل وفاته
صح لسان الشاعر ابو محمد والله يرحم ابومقبل
تقبل مرورى |
رد : قصيدة خلف فيحان الدجيماء في مسيب غانم قبل وفاته
صح لسانك ياولد العم
والله يرحم أبو مقبل والله لايحرمنا منكـ ياتاراتا ويسلموو الانــــــامــــل تقبل مروري |
رد : قصيدة خلف فيحان الدجيماء في مسيب غانم قبل وفاته
هلا وغلااا واشكرك اخووي تاراتا على نقلتك لتلك القصيده اللتي فعلااا عبر بها الشاعر ابو محمد الى ساحل ذكريات الراحل مسيب بن غانم والله يسكنه جناته وصح لسان ابو محمد على تلك المقطوعه الشعريه لاشك انه شاعر ومهضوم حقه بالاعلااام لك تحيه واحترام |
رد : قصيدة خلف فيحان الدجيماء في مسيب غانم قبل وفاته
صح لسان خلف فيحان الدجيماء زرحم الله مسيب..
وصراحة قصيدة جميلة جداً ويستاهل الممدوح وقد أبدع المادح.. لو الشاعر ما ادخل بدهان والشراري فيها كان أفضل لأن هذا يعتبر حشو في القصيدة ليس له داعي.. وصح لسانه مرة اخرى وننتظر الجديد أخي تاراتا وليتك تطيع شور الربع في الأسم. ابن مصاول |
رد : قصيدة خلف فيحان الدجيماء في مسيب غانم قبل وفاته
صح لسان ابو محمد
شاعر وابن شاعر كبير لكن ياتراتا ابيك تنزل قصيدة ابو محمد رثاءه في والدة فيحان الله يرحمة كذلك ياليت تتحفنا ببعض قصايد الشاعر الكبير فيحان بن مسعد الله يرحمة |
| الساعة الآن 12:15 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
