خط النذاله قدم الاذال مقزوز = النذل يمشي مثل ماهوب عايز
لو كح فوق المنبر العفن منحوز = ربعي يزيدون المنحز نحايز
راع الخطى يجزى على الفرد بالجوز= لاجا المساس اللي يمس الركايز
مشكور يامحماس واشعرك بالفوز = فوزن ماهوب مدورن عند فايز
فوزن ماهو بالفوز بالسيف والروز = فوز الرجال اللي تعاف الجوايز
لاشفت للعله علامات ورموز = عنها ومنها صرت شايم وجايز
قبيلة الهيلا لها العز مكنوز = ماتنحني هماتها للفايز
الجنه اللي شكلت مابها عوز = كل اجنف منهم مساره مشايز
قومن عبير أحمد لها عندهم روز = تجتاز شين ماجتيازه بجايز
لو با سكلان المشعلاني وفيروز = لبن ندا فايز خذاهن خزايز
وان كان شاف الوضع مزري ومهزوز = يمكن يخليها منافس عجايز

سلم النذاله فاهل البوق مغروز = عليه ياراع التماثيل حايز
النذل خان الدين والظالم يجوز = مال الردى في عروق اهلنا غرايز
خاين وشرك لأهل الخير مدزوز = يامكفن البارود مثل الجنايز
الناس تدري عن ولد عم عكوز = إنه وريث لعز الإبطال هايز
قدام واقع مجهر النقد مبروز = يامحذف العالم وبيته قزايز
مابعت عن عين الصواريم بالحوز = مشيت ريع الاشتباه المحايز
حنا مطير أهل النقا ناخذ الفوز = ماحصنك للحصن النشاما لزايز
عرف الكديش اللي مع الحصن ملزوز =رده لنقد مطرزات البلايز
بندقك عوجا رميها مابعد النوز = ياصايد الهزله خذينا الغزايز
راع الحسد يخطي من بليس منغوز = والظلم ماخفى له نجومن برايز
العارفه له مركز العرف محجوز = ماطاح بيتن ورض ساسه عزايز
فايز مثل حيد ٍ على الطيب مركوز= تفداه ياراع الفتن والحزايز
من طاب حضه عز نفسه ومعزوز = بين الردى والطيب فرق ٍ يمايز
النذل خان الدين والظالم يجوز = مال الردى في عروق اهلنا غرايز

يا مل قلب يسج وفيه دولاجه=من هاجس فالضماير قام يدرجها
في معزل عن جميع الخلق وزعاجه=ما أسمع من الناس لو تكثر لجالجها