|
عديت راس الرجم وقت الشروقي
عديت راس الرجم وقت الشروقي من العصر لين اقبل ظلام المسيا رجم ليا سقت النظر به يسوقي هواه من كل الشوايب نقــــــــــــيا لين أحظرن واحظرت يا نفس روقي بنات فكر ما ملكها غبيــــــــــا ماني عن الواجب لا جا نسوقي ما اعطي وجيه المقبلين القفيا انكان كلمة راح ذاك السروقي اقولها قدمك تراني بريـــــــــــا وانكان قصدك تختبر في طروقي ما خازني من فضل ربي مليا الشا عر خالد متعب القلعا |
رد : عديت راس الرجم وقت الشروقي
أخي خالد صح لسانك .
لكني لم افهم البيت الأول فكيف تقول عديت راس الرجم وقت الشروقي ثم تقول في الشطر الثاني من العصر ............إلخ. مع ان المتعارف عليه والأبلغ أن يكون هذا الوقوف على الرجم آخر النهار لتنسجم الحالة النفسية الآفلة مع أفول و نهاية اليوم .أرجو ان يتسع صدرك لسؤ فهمي (ربما ) وتوضح لنا المقصود . بارك الله فيك ،،،،، |
رد : عديت راس الرجم وقت الشروقي
صح لسانك يا أبو متعب وتقبل مروري وأستمتاعي بقراءة القصيدة
ونفس ملاحظة أستاذنا الحسام .. أبن مصاول |
رد : عديت راس الرجم وقت الشروقي
صح لسانك ياخالد بس اضن البيت يجي كالتالي بعد ملاحظات الاخوان ماادري نقدر نحط بدالها عديت راس الرجم وقت الشروقي من الصبح لين اقبل ظلام المسيا عديت راس الرجم وقت الشروقي من الصباح لين اقبل ظلام المسيا وصح لسانك |
رد : عديت راس الرجم وقت الشروقي
اقتباس:
نعم الخطا في الكتابه فقط وبيض الله وجهك |
رد : عديت راس الرجم وقت الشروقي
اقتباس:
مشكور على مرورك الرائع والبيت:عديت راس الرجم وقت الشروقي من الصبح لين اقبل ظلام المسيا ارجو التعديل لان الخطا في الكتابه ودمت سالم |
رد : عديت راس الرجم وقت الشروقي
اقتباس:
مشكور اخوي على مرورررررررررررك والغلط في الكتابه من الصبح لين اقبل ظلام المسيا |
| الساعة الآن 12:05 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
