تدري وش الي يتعب البنت
 

الــــــــي يتعــب البنـــت؟؟؟
قصيده رائعه لااعلم شاعرتها

واحببت ان تشاركوني روعتها

يمكن البنات بيحسون بجمالها اكثر..




تدري وش اللي يتعب البنت ياسعود...؟!

رجـلٍ يخـون اشواقـهـا و الـمـودة

إللي إلا احتـاج الغـلا صـار نمـرود

وليـا شبـع ممـا عـطـاه إسـتـرده

البنت ريحانة غـلا ... ناعمـة عـود

تبـي لهـا رجـلٍ ورث طيـب جــده

رجلٍ فعولـة كلهـا جـود فـي جـود

مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود

يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود

وادنـاة مـا عـارض طريقـه يــرده

ولاهوب لاعلـة ... ولاهـوب ملهـود

ولا شكـوك ... و كـلٍ طـارئٍ يحـده

ما اشين من الرجـال لا جـاك ببـرود

وإن قال له تـرف القـدم شـي صـده

تبـي لهـا بـراق طيـبٍ لـه رعـود

إن اجدبـت يمطـر علـى ريـف خـده

وإن نادته تكفـى لقـت عنـده الفـود

يشيـل عزتهـا علـى قــو زنــده

كفه نفل ... وانفاس صدره لهـا عـود

وظلالـه الضـافـي بيـدهـا تـمـده

البنت خد ... وقـد ... ونواظـرٍ سـود

وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود

يا سعـود مـن يقطـف نواويـر وردة

واللي يهين البنت ناقـص ... ومقـرود

فرس غـلا ... ماهـي حمـارة مكـدة

اتمنى تنال اعجابكم .......................مع تحيات سنابرق:61_f:

رد : تدري وش الي يتعب البنت
 

صح لسانك ..... وشكرا القصيدة الرائعة واتمنى لك التوفيق ونحن في انتظار جديدك ....

رد : تدري وش الي يتعب البنت
 

أشكرك على مرورك يأخ عارف!
سنابــــــــــــــــــــــــرق

رد : تدري وش الي يتعب البنت
 

يعطيك الف عافيه أختي سنا برق على امتعانا بهذه الرائعه وصراحة قمة في الإختيار


وأكثر حاجه شد انتباهي هي :

:z018::0092::0092::0092: ههههههههههههههههه حمارة مكده ليش بس ليش ؟؟؟


الموضوع للأسف مكرر سيرحل للمكررات

http://www.almouazeen.com/showthread...DE%DC%E5%DC%C7

رد : تدري وش الي يتعب البنت
 

::0017: