إن كان تنشد يالهويدي عن الطير
 

إن كان تنشد يالهويدي عن الطير.....الطير والله يالهويدي غدالي
طيري عذاب معسكرات المسامير.....إن حل عند قطيهن الجفالي
إن جاء نهار فيه شر بلا خير.....وغدا لهن عند الطريح اجتوالي
إن دبرن خيل وخيل مناعير.....وشره على نشر الحريب الموالي
يضحك ليا صكت عليه الطوابير.....طير السعد قلبه من الخوف خالي
خيالنا وان عرجدن المظاهير.....وزيزوم عيرات طواها الحيالي
غيث لنا وان جت ليالي المعاسير.....وبالشح ريف للضعوف الهزالي
يسقي ثراه من الروايح مزابير.....تمطر على قبر سكن فيه غالي

الشيخ شالح بن هدلان

رد: إن كان تنشد يالهويدي عن الطير
 

يابو ذعار أكفيك لونـي لحالـي ** واصبر على الدنيا وباقي تعبهـا
وإن غم أخوه معثريـن العيالـي ** أنا لخويه سعد عينـه وعجبهـا
وإن جن مثلي مخزمات الجمالي ** كم سابق تقزي وأنا من سببهـا
كم خفرة قـد حرمـت للدلالـي ** لبست سواد عقب لـذة طربهـا
وإن جيت لي قفر من النشر خالي ** يفرح بي الحواز يوم أقبل بهـا
أفديك يا شالح بحالـي ومالـي ** يا فارس الفرسان مقدم عربهـا
يا متيه إبله بـروس المفالـي ** يالي حميت حدودها يـا جنبهـا

الفديع أخوالشيخ شالح بن هدلان

رد: إن كان تنشد يالهويدي عن الطير
 

صح لسانك ولسان شاعرها

يعطيك العافيه اخوي

لاهنت

رد: إن كان تنشد يالهويدي عن الطير
 

يعطيك الف عافيه اخوي أبو راكان على النقل الموفق للأشعار الخالده لشاعر والفارس المشهور شالح بن هدلان الخنفري القحطاني

ولي ملاحظات على ما نقلته وهو:

فالصحيح خيل مناحير وليس مناعير

وهناك تصحيح للبيتين الرابع والخامس وهي كالتالي:

إن دبرن خيل وخيل مناعير.....وغدن مثل مخزمات الجمالي
على الرمك صيده عيال مناعير....وشره على نشر الحريب الموالي


أخوك أبن مصاول

رد: إن كان تنشد يالهويدي عن الطير
 

بدون حرف الواو

أبن مصاول

رد: إن كان تنشد يالهويدي عن الطير
 

رد: إن كان تنشد يالهويدي عن الطير
 

شكرا على مروركم

رد: إن كان تنشد يالهويدي عن الطير