الشفت لخبط راحتي مثل نومي=والزّيت ماشي فالانابيب ويزيد
والزّام زام الصبح جعله يشومي=قد كان له مع ماضي الوقت ترديد
عزّاه ياحظٍ حسبته يقومي=عزّاه ياحظ العنا والتباليد
أحدٍ تليبس من جديد الهدومي=وأحدٍ معيّد فالعيد عند الرغاديد
و أحدٍ سواتي مايل الحظ يومي=وعليه مع لبس الكفرهول تمديد
قيجات بمب مكسرات الخشومي=ومراوحٍ تفتر من دون تبريد ومرواحٍ
وبيبات بقعا ما تعرف القرومي=لاشفتها ماغير أجر التناهيد
حالي على العيدين مثل الهشومي=متهشمٍ حالي على الضمّر الغيد
وألا على المقناص بعد العزومي=فالساحل الشرقي لحزم الجلاميد
حرٍ طليق مع الهوى والحزومي=غادي لأبن عدوان وإلا لبو زيد
ياصاحبي صبري قضى مثل يومي=عليك ياللي كايل الكيل وتريد
يالله يامنشي مزون الغيومي = أنك تعدّلها من الشّفت والقيد
شف يارفيقي قبل اقطّع هدومي=ما ابغى حقوقي.. بس لي حق فالعيد
ودّي اعيّد بين ربعي وقومي =والزام ماسكني على التيم تأكيد
ياليتني ياخي... موظف حكومي =ماعرف زام الليل وآعيّد العيد

المشاركة الأصلية كتبت بواسطة عافك الخاطر (المشاركة 54895) كان الله في عون موظفي ارامكو يعطيك العافية على النقل تقبل مروري ...

المشاركة الأصلية كتبت بواسطة راس الضلع (المشاركة 54900) كان الله في عونهم وهذه طبيعة الانسان ملوول ، دائما يبي الدنيا تجي على كيفه وهذا صعب المحال

المشاركة الأصلية كتبت بواسطة مالك البديري (المشاركة 54944) عيد الاضحى يصادف زام ليل ابن مصاول كلم المروح اللي عندنا عندي رصيد اجازه ثلاث ايام خله يطلعني ههههههههههههه

عندي رصيد اجازه ثلاث ايام