الوقـت والله مايحشـم المناعيـر=لاهو على كيفك ..ولاهـو بـودّك
تصيربه .. اشياء مـاودك تصيـر=والنفس عن شي ٍ يفيدك ... تلـدّك
اصبر على دنياك ... لو مابها خير=لاتشتكي حتى لو الوقـت ضـدّك
وان حدتك سود اليالي على الغيـر=لاتطلـب الا واحـد ٍ مـايـردّك
عليك .. باللـي عالـم ٍ بالمقاديـر=اليا تعبـت وبيّـح الوقـت سـدّك
وان جات للواجب وجا منك تقصير=مالك نعم ... لو سالم الزير جـدّك
بعض المواقف ..ماوراها معاذيـر=اما بخـدّ العـذر ... والا بخـدّك
ومن قدّرك ... لابد تعطيه تقديـر=ولا تعدّه شي .... مـن لا يعـدّك
ولا تبرر للفشـل .... اي تبريـر=افهم .. وميّز بين ضحكك وجـدّك
للكل ند .... ولا يجي ندّك صغير=اعرف ترى مقياس حجمك بنـدّك

ومن قدّرك ... لابد تعطيه تقديـر ولا تعدّه شي .... مـن لا يعـدّك

للكل ند .... ولا يجي ندّك صغيـر
اعرف ترى مقياس حجمك بنـدّك
القصيدة كوم على قولتهم وهذا البيت كوم
وان كنت اتمنى لو ان الشاعر استبدل <مقياس حجمك >بكلمة اخرى وإن كنت اعرف مغزى الشاعر

بارك الله فيك اخي ابن مصاول على هذا الاختيار المميز