منتديات الموازين الرسميه

منتديات الموازين الرسميه (http://www.almouazeen.com/index.php)
-   شــــعـــراء منتديات الــمــــوازين (http://www.almouazeen.com/forumdisplay.php?f=17)
-   -   قصيدة في سهام بنت نايف العدوان (http://www.almouazeen.com/showthread.php?t=8975)

خالد متعب القلعا 01 - 12 - 08 11:53 PM
قصيدة في سهام بنت نايف العدوان
 

بسم الله الرحمن الرحيم
هذه القصيدة التي بين ايديكم في الشاعرة سهام بنت نايف العدوان التي شاركت في شاعر المليون مؤخرا

وهذه القصيدة كتبها الشاعر خالد متعب القلعا المطيري وهو ينتخي في الشيخ محمد بن زايد ال نهيان

واليكم القصيدة:


على شاشة التلفاز في شاعر المليون
تبين لطيف الروح من نسل عدواني
انا يوم شفته صابني بالضمير طعون
غرامه وحبه يا محمد تبلاني
الا يا هل المليون تكفون ثم تكفون
عطوها من المليون كله على شاني
يا تركي المريخي والله اني بها مفتون
توسط لها ياخوك عند ابن غساني
وجودي على لاماك يالمترف المزيون
وجودي على لاماك دام العمر فاني
عفيفن منزه عن دروب الدنس مصيون
ولاهي غريبه دام الالماس ينصاني
ابا اكتب من الاشعار لين انهم يدرون
أعبر لها بالشعر وبكل وجداني
وانا يا محمد صرت من حبها مجنون
أبيك تخطبها ليه يابن النهياني
يا نسل الحرار اللي بوقت اللقى ينصون
لأنك كريم ومن طويلين الايماني
من شيوخ دون ديارهم باللقا يقفون
يشهدلهم تاريخهم طول الازماني
وختامها صلوا على المرسل المامون
محمد شفيع الخلق بالموقف الثاني

مهلكي خواله ذوي ميزان 02 - 12 - 08 10:13 PM
رد: قصيدة في سهام بنت نايف العدوان
 
شوفن لعينك وحظن لغيرك ... لكن خفف على نفسك بالأذكار وان القناعة كنز لايفنى...

سالم رباح 03 - 12 - 08 11:39 PM
رد: قصيدة في سهام بنت نايف العدوان
 
أثرك هواوي يالقلعا

لكن مافيها ومافي اهلها خيردامهم سامحين لها بالطلوع في التلفزيون وسامحين لها تنافس في شاعر المليون .

أبن مصاول 17 - 12 - 08 03:46 AM
رد: قصيدة في سهام بنت نايف العدوان
 
صح لسانك يا أبو متعب وعين الحب عمياء وانا أخوك ولا بنت العدوان هذي اللي عدت أصلها الى قيس عيلان وأبلشتنا هي والدكتور الحسن بالعروض الخرطي اللي سمت به البحر الذي اخترعته خراطاً وأسمته بــ(الجدالي ) هههههههههههههههه هذي تنحب؟؟

وبعدين الله من الواسطه عند الدكتور أشهد ان عنده حميا في الأردنيه ولا احد تقدم بعده وقال لها غير مجازه؟؟

قصيدتها أقل من عاديه والقصيده الأول مع جنبها!!

المهم يا ابومتعب الحب لا يذبحك يالرجال :0091:

http://www.youtube.com/watch?v=wRF49mfyMSU

أبن مصاول

عجآزهـ 17 - 12 - 08 05:22 PM
رد: قصيدة في سهام بنت نايف العدوان
 




هههههههههههههههههه ،
احلى نكته ..

ما أقول الا مثل ما قال أخوي سالم بن ربآح صح لسآنه ..
اقتباس:
مافيها ومافي اهلها خيردامهم سامحين لها بالطلوع في التلفزيون وسامحين لها تنافس في شاعر المليون .
أختكم /
ع ــجآزهـ !

خالد متعب القلعا 06 - 01 - 09 04:51 PM
رد: قصيدة في سهام بنت نايف العدوان
 
اقتباس:
المشاركة الأصلية كتبت بواسطة عجآزهـ (المشاركة 61372)




هههههههههههههههههه ،
احلى نكته ..

ما أقول الا مثل ما قال أخوي سالم بن ربآح صح لسآنه ..


أختكم /
ع ــجآزهـ !
الله يصح بدنك

جساس الميزاني 06 - 01 - 09 05:17 PM
رد: قصيدة في سهام بنت نايف العدوان
 
صح السان الشاعرخالد ونامالومه لان الشاعر قال

الهواء قدامنا قلفع طميه = يوم لاحلها قطن والدارخالي

الطود 06 - 01 - 09 06:54 PM
رد: قصيدة في سهام بنت نايف العدوان
 
صح السانك اخوي خالد

قصيده جميله ياعاشق

تقبل مروري

اخوك الطود


الساعة الآن 09:47 PM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها