البارحه ليل الشتاماهو طويل إلاطويل=ذبحني التفكير كأني بقاعة إمتحان
ياهاجسي دورلي من الشعر مايشفي الغليل=دورلي اللي ماسبقنيله فلان ولافلان
أنا اكره التكرار والتقليد والشئ القليل=ماهو بمنتوجي ولاقسمي ولا أعطيله ضمان
شاعر وأعاني وكثر مااعاني كرهت المستحيل=وحررت نفسي من قيود الوقت وأسرجت الحصان
لو اني من قوم ن خلقها الله مافيها ذليل =الواقع الميؤس خلاعشرعبدالله ثمان
الوقت هذا لاهو مربع ولاهومستطيل=وتزاحم أفكاري يحسسني بخوف من الأمان
مستقبلي المجهول اكبر هم عندي والدليل=إنا لنا اكثر من ثلاث سنين طاوينا الزمان
نحلم ولكن حلمنا يائس برغم إنه ظئيل=من يصنع البسمه وله جل الشكر والأمتنان
حتى الاماني كفها بخيل وأكثر من بخيل=وشلون تقسى ياوطنا وانت منبع للحنان
وشلون تقسى وانت داعيلك براهيم الخليل=وشلون تقسى دامنا حنا لك اكثر من خوان
جميل تملك لك وطن لكن اللي ماهوجميل=إنك رغم رحب الوطن هذا ماتملك مكان