الله على اللى لا مشى يسبق ذعاذيع النسيم = بيض الخرايم والحزوم الجرديطو اميالها
جيبن مصمم مايسوقه غيررجالن فهيم =مركب ارجالن فعلهايثبت صحيح افعالها
اليانضرته كنك اتناضر على الرجل الكريم = اللي منارت مجلسه امسطرات ادلالها
صمم من الداخل على الصمان وطعوس القصيم = كنك تناضر روضت التنهات هي وعبالها
تمثال كبوته سوات العقد فالبنت الحشيم = يشبه لميعه برق ندرن مقتفيها اخيالها
امحركاته خمس مثل الطايره شغله سليم = يقلع كماالترنيدو اللي مقلعه لقتالها
اليانهضته فالخرايم قام يرزم له رزيم = رزيم عربن فالمعشى تلتفت لعيالها
توايره لن ناشت احيودالحصا عودحطيم = جرت كفاراته مثل بيرن وسيعن جالها
من بطن جده ماحلى مشيه لياحي النسيم = في عاصمة دولة هل التوحيد عز ارجالها
اباعلاه انصا زعيمن مسكنه شرق النضيم = في ديرتن فيها رجالن بالوفا يعنالها
عمرزبون اللي من الصكات في وقته يهيم = زيزومها لن حاولت بقعاتشد احبالها
سقم المعادي مكرم الضيفان ولربعه حليم = مطلق كلبشات الزمان اللي كباراقفالها
ونا نصيته لن انا جساس منصالي غشيم = انصا الرجال اللي ذراها ثابتن لجيالها
يوم الردي فالوقت مجلاسه مجاليس الحريم = اجالس اصقورن مواكرها فروس اجبالها
ياعمر طيبك مانسيته ياعسى عمرك يديم = يوم الضعوف اللي على بالي هبط منزالها
وقفت ميقاف الرجال الطيبه ونته حشيم = ولاهي غريبه ونت من قومن يضل اضلالها
الرجل يعرف من فعوله والردي عقله سقيم = والطيبه من حض منهو دايمن يسعالها
ونالزومي بس اباسلم وباعنده اقيم = وبشرب امن الدله اللي دايرن فنجالها
وختامها مني تحيه عدمن زار الحطيم =- للي وقف قدم المراجل كلها وشتالها