عندي نصيحة قبـل وضـع العناويـن=ياليـت لـو بعـض العـرب تفتهمهـا
نعـم ٍ بكـم لاشـك ماحولكـم شيـن=تبغـون ضلعـان ٍ طـوالـن قممـهـا
بـدوان ماهـزت عـروش السلاطيـن=ماهمهـا يـكـود رغـبـة غنمـهـا
افعال شمـر تفضـخ القلـب والعيـن=واحيان تكفـي بـس شوفـة خدمهـا
شليويح قاله مـن قديـم ٍ لـه سنيـن=ابن رشيـد ٍ بالحرائـب حسمهـا (1)
وبالضيغمي قـول الرويلـي براهيـن=يخيم ثـلاث ايـام حتـى خزمهـا (2)
وعبيد يذبح في ضحى اليـوم تسعيـن=خـلاه فـي بقعـاء تـدود ارممـهـا
دلل بهـم صرخـه بوسـط المياديـن=ويقول ماهـو سايـلاً عـن تهمهـا !!
وعبد العزيز اللي حسابه عـن الفيـن=بشهادة العـدوان لفظـه بفمهـا (3 )
الله واكـبـر يـارثـع بالمـعـاديـن=وخلفـه سناعيـس ٍ بصوتـه زهمهـا
ثم طبقـوا لعيـون مريوشـة العيـن=ماهمهـم طـول العمـار وعدمهـا !!
وصوت البنادق نغمتـه زينهـا زيـن=وتسمـع عزاويهـم تعانـق نغمـهـا
في حفلة(ن) ماتشوف به وجه دارين(4)=جوايـزه قـص العظـام ولحمهـا !!
هـذا فخرنـا يـوم عصـر الاكاويـن=يوم أن بعض النـاس باعـة اذممهـا
ودنيـاك مادامـت لحـتـى النبيـيـن=لكـن خذينـا حقنـا مـن سهمـهـا
وحنا على العـدوان ناسـن شديديـن=والا مـع الاصحـاب دوم نحشمـهـا
حنـا علـى درب الشـرف مستمريـن=ماهمنـا نـاس ٍ تفـضـخ حلمـهـا
حنا كمـا نجـم ٍ لـرؤس الشياطيـن=ياطلـة قرونـه نـصـاه وكصمـهـا
مانـدور الاربـاح فـي زود قرشيـن=الله عطانـا مـن فضـايـل نعمـهـا
ولا ننتقص من حق نـاس ٍ عزيزيـن=مار المنافـق فـي كلامـه دغمهـا ؟؟
وهاذي هي العـادة عنـد الضعيفيـن=كيد النساء هـو طبعهـا فـي نممهـا