منتديات الموازين الرسميه

منتديات الموازين الرسميه (http://www.almouazeen.com/index.php)

- شــــعـــراء منتديات الــمــــوازين (http://www.almouazeen.com/forumdisplay.php?f=17)

- - ياحزن تكفى (http://www.almouazeen.com/showthread.php?t=9525)

ياحزن تكفى

وعليكم السلام ورحمة الله وبركاته
احبتي اعضاء منتديات الموازين احب ان اضع بين ايديكم اخر قصائدي الشعريه امل ان تنال على
رضى الجميع

ياحزن تكفى ماني بقدك اليوم=هزمتني وانا من الصعب هزمي
ترمي علي سهوم وتركز سهوم=ياليت جسم(ن) تطعنه غير جسمي
حالي غدا مابين نكبات وهموم=ياقو جرحي اه ياضعف عزمي
ماعدت انا الاول على مصارع القوم=كل شي تغيربي سوى حروف اسمي
ياصاحبي لاتزيد شرهات او لوم=صاحبك قلبه من عنا الوقت مدمي
انهى غرامك من قبل ينهي النوم=صاب العمى شكله ولاهو بمعمي
معاد يفرق صقر شيهان والبوم=ومعاد يفرق رجل خايب ونشمي
كل شي تساوا بداخلي حلو وسموم=ياليت قلبي قبل لاعرفك محمي
محمي عن الزلات والحزن للدوم=وهاذا ترى حلمي وهو حلم وهمي
وياحزن تكفى ماني بقدك اليوم=هزمتي وانى من الصعب هزمي

رد: ياحزن تكفى

صح لسانك يا أحمد واتمنى لك التوفيق وان تصبح شاعر يشار له بالبنان
تحياتي

رد: ياحزن تكفى

صح لسانك اخوي احمد

لاهنت

رد: ياحزن تكفى

صح لسانك اخوي احمد على الفقصيدة تقبل مروري

رد: ياحزن تكفى

صح لسانك اخوي احمد وقصيدة معبرة وهي متناسقة للغايه أهنيك على هذا الوزن الجميل والقافية الرائعه..

وياحـزن تكفـى مانـي بـقـدك الـيـوم=هزمتـي وانـى مـن الصعـب هـزمـي

رد: ياحزن تكفى

صح لسانك اخوي احمد وقصيدة حلوة

وخاصة ذي
انهـى غرامـك مـن قبـل ينهـي النـومصـاب العمـى شكلـه ولاهـو بمعـمـي