اخوي راس الضلع طرح علي سؤال في بداية اللقا يقول هل قلت قصيده في فقدان عزيز عليك وفاتني السؤال لم انتبه له وانا قلت عدة قصائد في ناس توفاهم الاجل رحمهم الله واختار لكم هذه القصيده في وفاة مذكر ابن عيد رحمه الله
ياعين هلي دموع الحزن ياعيني=ابكي وبكي من احزانك جماعتنا
ابكي على اللي غلاه اغلا من حسيني= الله يجبر عزانا في مصيبتنا
مرحوم يمالك قلوب الملاييني= اللي بموته جموع الناس عزتنا
ياليتنا عنه قبل ايموت داريني= الله يغش الليالي كيف غشتنا
يضحك لنا الوقت فالدنيا ولاهيني=ناسين كل المصايب لين صابتنا
ليننها شالت اعرام المعاديني=اللي لجل هيبته ياكبر هيبتنا
وياعيد تبكي وانا ابكي لي سبوعيني=ايام تضحك لنا وايام بكتنا
والاجل محتوم والعالم موليني=واللي تجي غيرنا ياعيد جايتنا
وين الرسل والصحابه والنبييني= وجدودنا وين راحو مع جماعتنا
حكم القدرلو ماحنا براضيني=ياما بعد جمعنا الدنيا تشتتنا
وياعيدطالبك لاتبكي تبكيني=الله يجبر عزانا في مصيبتنا