الصدق يبنيله عمـارات وقصـور
والكذب يهدم مابنا الصـدق كلـه
والصدق لرجال نورن على نـور
والي صدوقـن مجلسـه ماتملـه
وراع الصدق بطيب فذكر مشهور
الصدق سيفه فالمواقـف يسلـه
كلمته تشرى بذهـب مابهـا زور
وصفه عديمن فالبشر صـار قلـه
والكذب فرجال عـذروب وعثـور
راع الكذب محدن تمنـى محلـه
مامنه خير ودايمن شر وشـرور
من شوفته تونس على الصدر عله
هذي نصيحه سطرت عدت سطور
ودرب المراجل كل رجلـن يدلـه