ولله ونعم بزعب قبيلة عزيزه قد وقعت لها مشكلة كبيرة مع الحاكم الشريف إبان حكمه الحجاز وكانت المشكلة هي حماية جار لهم حربي أحتموه فحصلت لهم من بعدها القلاقل وقد عرفت على هذه القبيلة العزيزه أبنت شيخهم التي فقدت بعد الحرب التي قامت بينهم وبين الشريف وكيف وجدها الأمير الدوسري فوق الشجرة ثم تزوجها وكيف بينت نفسها بعد أن أستقللنها نساء الأمير الدوسري وسالفتها طويله واليكم القصيدة وشرحي عليها:
يهيضني ياسباع دار ذكرتها= ولاعاد منها الامواري حيودها
سباع تبكي امك بعين ودمعها = من عينها يحفي مذاري خدودها
وكن وقود النار بقصى ضميرها= هاض الغرام وبيح الله سدودها
وكن حجر العين فيها ميليله = وكن ينهش موقها مع برودها
دمع يشادي قربة شوشليه = بعيدن معشاها زعوج قعودها
اليت المشهور الذي يعرفه الصغير قبل الكبير:
زعبية ياعم ماني همية = وماني من اللي هافيات جدودها
أنا من بني زعب وزعب هلي اوجهو= على الخيل عجلات سريعا ردودها
اهل سربة لادبرت كنها مهجرة = وان أقبلت كن الجوازي ورودها
لطاح طايحهم بشوفي ترايعوا = تقول فهود مخطيات صيودها
لصاح صياح بالسيوف تفازعوا = عزي لغمر ثبرت به بلودها
لحقو على مثل القطا يوم وردته= متغانمين عين قراح برودها
خيل تغذى للبلا والمعارك=ترهق صناديد العدا في طرودها
لا تلقحون الخيل يازعب ياهلي = ترى لقاح الخيل يردي جهودها
إن جت سماح الخد مايلحق بكم = ون جت مع السنداء لزوم يكودها
بداية سالفتهم:
جينا الشريف بديرته والتفانا = كل القبايل جامع به جنودها
طلب علينا الخور هجمة قصيرنا = مصمل يبغى جناديب سودها
ياما عطينا دونها من سبيه = تسعين صفرا حسبها ومعدودها
تمامهن ( شعيطان) خيل( مهوس )= إصايل صنع النصارى قيودها
يقطع قبيلة ضفها ما يذري= تشبه جمال عضها في بدودها
قصيرنا في راس عيطا طويلة= يحجي ذراها من عواصيف نودها
عيو عليها لابتي وحتموها = بمصقلات مرهفات حدودها
حربنا وتو البنت نشو بها امها = لين استتمت واستوى زين عودها
على الحنايا نقضن الجدايل = سمر الذوايب كاسيات نهودها
وجيههن كمزنة عقربية = هلت مطرها يوم حنت رعودها
تسعين لليلة والقراين معقلة = حمالذرا معقلات عضودها
شقح البكار اللى زهن الجنايب = قامت تضالع من مثاني عضودها
وخيل تناحي خيل وتضرب بالقنا = مثل التهامي يوم احلي جرودها
بنات عمي كلهن شقن الخبا = بيض الترايب ضافيات جعودها
كل نهار الهوش تنخا رجالها = ستر العذارى بالملاقى اسودها
لباسة للدرع والطاس باللقاء= على سروج الخيل عجل ورودها
من صنع داوود عليهم مشالح = تجيبه رجال من غنايم فهودها
يما طعنوا في حربة عولقية = شلف تلظا يشرب الدم عودها
اللي ايتموا في تسعين مهرة = مامنهن اللى متلاوي عمودها
وتسعين مع تسعين والفين فارس = تحت صليب الخد تطوى لحودها
تسعين بني عمي وابوي واخوتي = وتسعين عنان واللواحي شهودها
قبيلة كم اذهبت من قبيلة = اذا عدت الجودات ينعد جودها
في هذي مبالغه:
(زعب) اهل المدح والمد والثنا=من الربع الخالي إلى الحجاز حدودها
إن اجنبوا للصيد منهم تحوز = الربد والوضيحي والجوازي عنودها
وان اشملوا تهج منهم قبايل = دار يجونها ضدهم ما يرودها
إذا انتووا في ديرة ياصلونها = تقافت الاظعان عجل شدودها
وركابهم يم العدا متعبينها = بيض المحاقب مقترات لهودها
ياما اخذوا من ضدهم من غنيمه = من ذاق منهم ضربة مايعودها
نمر تشادي للجراد التهامي = ماطاعوا الحكام من عظم كودها
أشوف بالحره ظعون تقللت= أبوي حماي السرايا يذودها
شفي معه صفرا تباري عندل = مرا يباريها ومر يقودها
أنا فتاة الحي بنت بن غافل = كم من فتاة غر فيها قعودها
شرشوح ذود ضارب له خريمة= ماودك يشوفه بعينه حسودها
حولت من نضوي ورقيت سرحة= حطيت لي عش باعالي فنودها
وجوني ركيب ونوخوا في ذراها= شافني عقيد القوم زيزوم قودها
قال حولي يابنت وانت بوجهي = ولا جيته الا واثقه من عهودها
امرا كتبه الله وصار وتكون = تسبب علينا من الاعادي قرودها
بحرب شديدة ماتمناه عاقل = تعده عيال عادها في مهودها
ذكرت يوم فايت قد مضى لهم = يوم علينا من ليالي سعودها
ضو زمت للمال من عقب سريه= ضو زمت عودان الاراطي وقودها
كن قرون الصيد من خلف بيتنا = هشيم الغضا يدني لحامي وقودها
تسعين عدد صيدنا في عشية = وضحية نجعل دلانا جلودها
قناصنا يروح شريق وينثني = ويجيب الجوازي داميات خدودها
ورواينا يروي بيومه وينثني = يجيب القلاصي لاحقات حدودها
ومدادها ياخذ حديد وينثني = ويجيب الجلادي ضايمات كبودها
غزاينا يروح بيومه وينثني = يجي بالرعايا ضايماتها ديودها
تحدد موقع بلادها الأصلي:
لنا بين ( حبر) والغرابه منزل = نهد في زين العرابا قعودها
حنا نزلنا الحزم تسعين ليلة =وغل الاعادي لاجي في كبودها
لمن حجى معنا عليم ولاذرى= الا شخوص العين قب نقودها
قليبنا غزيرة الجم عيلم = ماينشدون صدورها من اورودها
طولها ثمان مع ثمان مع اربع = (وسط من الصفراء ) وقبلة نفودها
اهل عقلة يحده الحاذ من الغضا = مادارها الزراع يبذر امدودها
الفين بيت نازلين جباها = والفين بيت بالمضامى ترودها
تخالفوا في يوم تسعين لحيه = على شان وقفت اجنبي بنفودها
دار لنا ماهي دار لغيرنا = تحدها الرملة لموارد عدودها
أبن مصاول: شرحت على القصيدة وشكراً لصقر الوهابا