منتديات الموازين الرسميه - عرض مشاركة واحدة

غير متواجد حالياً

[all1=FFCC99]** وداعيـــــه**

يعيش الحب شي عادي..يموت الحب وش يعني؟!
********مادام قلوبنا ماتت مشاعرها..وهي حيه

أحسب الحب لاجيته على كيفه..يطاوعني
********(مغفل)من يعيش بهالزمان أحلام ورديه

من أول ماعرفتك تعطي إحساسك..وتمنعني
********وأقول تمون يا(نبع الحلا)..والحب حنيه

كثر ماكنت تكذب في كلامك..كنت تقنعني
********دليل إني على كثر الجفا..سلمتك ايديه

عشاني قلت لك:مابدخل بهالجو..طلعني
********تروح وتاخذ الدنيا معاك..وتقطع الجيه

مع أني قلت:إذا ما طاعك الوقت الردي..طعني
********وإذا ماجيتني كلك..تعال شويه.....شويه

لك الله يوم أجي مشتاق لك..والشوق يدفعني
********كأني رايح للموت بيديني......ورجليه

وأعرف إن مر في بالك تولعني..تولعني
********مادامه شي في بالك....تجيبه ميه بالميه

وصلت لمرحله..حتى الشعور العذب يخدعني
********وأحس أني على النيه...وانا فعلآ على النيه

بكملك كلامي....بس تكفا لا تقاطعني
********بقى جمر الكلام...ودمعه بالعين مخفيه

أمانه..قبل أروح وينتهي كل شي..طالعني
********عشان تعرف وش معنى العطا..قبل الانانيه

أبرحل..والطريق اللي يودي ما يرجعني
********يبي يغنيني الله عن هوى حبك...وطاريه

خذ الباب بطريقك ..والعذر ما عاد ينفعني
********ترى ماعاد لك قيمه...ولا للحب أهميه

) ومثل ماتسمع لـ (عبدالكريم)أبيك تسمعني
********(وداعيه)...يا آخر ليله تجمعنا...(وداعيه

قصيدة اعجبتني وحبيت اني انقلها لكم انشاء الله تعجبكم

اختكم

اميره في حبه[/all1]

.