الفضل للي كون آدم من الطين = رب السماء والارض منشي السحايب
اشفيت شامخ عقب ماشافت العين = في حالةٍ خطره ودمعي سكايب
خليت ممشا الجيب ميه وتسعين = والراس من كثر الهواجيس شايب
عساتطول اعماركم يالمسمين = ياخوان طايل محتمين الصعايب
ومايحتمي الوقفات كود الشجيعين = الي تصول ليا هبا كل هايب
والا الضعوف ضعوف ذخر المساكين = ماينفعك لوكان شبت شبايب
ماينكر المعروف كود الرديين = ولكم جزيل الشكر والبال طايب