قل هيه ياهل شايبات المحاقيـب = أقفن من عندي أجـداد الأثـاري
أقفن مع الرخصة كما يقفي الذيب = ليا طالع الشاوي بليـل الغـداري
لكن لسـب اذيالهـن بالعراقيـب = رقاصـةٍ تبغـى بزينـه تمـاري
يابن رخيص كب عنك الزواريب = عمارنا يابن رخيـص عـواري
خوينا مـا نصلبـه بالمصاليـب = ولا يشتكي منا دروب العـزاري
لازم تجيك امي بكبـده لواهيـب = تبكي ومن كثر البكى ما تـداري
تنشدك بالي يعلم السر والغيـب = وين ابني اللي لك خويٍ مبـاري
قله جلس في عاليات المراقيـب = في قنةٍ ما حولـه إلا الحبـاري
يتنا خويه لين يبدي بـه الطيـب = ولا يجيه من الصواديف جـاري
ان كان ما قمنا بحق المواجيـب = حرم علينا لابسـات الخـزاري