منتديات الموازين الرسميه - عرض مشاركة واحدة

غير متواجد حالياً

السلام عليكم ورحمة الله وبركاته

أحضرت لكم هذا اليوم قصيدة أعجبت ذائقتي ..

ولكن للأسف لا أعرف مصدر كاتب هذه الأبيات أتمنى أنها تنال أعجابكم ..~ قراءة ممتعه ..~

تمر طيوف , في بال الحزين الهايم الذبلان ..
و يرسمها على أطراف الورق , و يكسّر أقلامه ..

يضج الشوق في قلبه , و يتأسف على النكران ..
و يهتك غربة الليل الطويل بـخطوة أقدامه ..

يسولف عن بقايا رحلته للي ورا الجدران ..
ولا يدري وش اللي خبته دنياه لأيامه ..

رحل , زاده حنينه و الورق و الحبر و الأوزان ..
و تغريبة عمر ضاعت مواريها بأحلامه ..

رحل , يطرد سراب ٍ لا هو بـراوي ولا ظميان ..
تشتت بين رغبات الشعور و بين أوهامه ..

تعدّيه السنين , و ينتظر شادي على الأغصان ..
تناجيه الليالي مغرمه , و العمر ما سامه ..

كتب , حتى غدا من شعره إحساس الشعر نشوان ..
نزف , حتى تملّك رغبة الحرمان و أيتامه ..

تعدّا رغبة اللي عاش عمره غربة الأوطان ..
يراوده الحنين اللي تمثنى عالم إلهامه ..

ذبل بين إنكساره للرجوع , و رغبة الشجعان ..
يتمتم للحزن عقب الفرح , و العمر دوّامه ..

رضا يبقى على طول السنين القاسيه , إنسان ..
رفض يحني جبينه للزمن , لو الزمن ضامه ..

بقى إسمه على رمل الدروب , الهايم الذبلان ..
يسولف غربة الليل الضرير لـخطوة أقدامه ..

أكاليل من الورد لكل من مر من هنا ..

} لهفة الشووووق ..~