بسم الله الرحمن الرحيم
هذه القصيده اهداء الى الشيخ / صالح بن حواس بن مفلح الميزاني المطيري
مناسبه زواج ابنه / عادل صالح الميزاني
سلام الله على اللي يكسبون المرجلة والطيب = مثل صالح ولد حواس كامل في مواجيبه
أزفلك التهاني يابو عادل واكثر الترحيب = سوات الضيف يوم انه ترحبه معازيبه
نسبح إقدامنا من شأنكم ما فيه شيء صعيب = وحنا قدوة للطيب اللي شامخا طيبه
عسى ربي يديم إفراحكم يا محتمين الشيب = الياهبت وشبت دونها دخن عراقيبه
ذوي مفلح بني عمي هل التكريم والتوجيب = لاجت اللوازم كل رجالن نماريبه
إليا منك ذبحت الذيب لاتترك عيال الذيب = عيال الذيب الأسحم مجنب عن هناديبه
أنا ماقول غير الصدق ما داني كلام العيب = وراع العيب وسط الناس ربي كاشفن عيبه
نبارك لك يابو عادل ونزفلك الورود بطيب = ورجال مثل صالح مكملتن مطاليبه
وختامها بذكر الله وربي عالم الغيب = واقول بسم الله الرحمن ربي عالمن غيبه
سلام الله على اللي يكسبون الطيب = مثل صالح ولد حواس كامل في مواجيبه