ومن قصائده وهو في مدينة البحرين:
ياعلى صحت بالصوت الرفيع = يامره لا تذبين القناع
شافني راعي الصفر الصنيع = سنها ياعلى وقم الرباع
اشترى منه كان انه يبيع = بالعمر مير ماظني يباع
سايمين الهوى يا من يبيع = تشترون الهوى ياأهل الرفاع
غرني ياعلى طفل وريع = يوم أنا ميمر وامرى مطاع
يوم اهلنا واهل مي جميع = نازلين على جال الرفاع
ضحكتي يوم انا طفل رضيع= ماسوت عبرتي عند الوداع
هم بروني وانا عود رفيع= ياعلى مثل ما يبري اليراع
طوعوني وانا ماكنت اطيع = واغلبوني وانا قرم شجاع
ودى اسلا وهو كون فنيع= سلوتي ياعلى ماتستطاع
وجد عينى على ظبى تليع= عندهم كن فى خده شماع
لايمى بالهوى جعلك تضيع= ما تمارا بها مثل الشعاع
كنى معاها وانا وحدى قطيع= 000000000000
شيبتني وانا توى رضيع= جاهل توفي سن الرضاع
وله أيضا:
حي المنازل تحية عين =لمصافح النوم سهرانه
وإلا تحية غريم الدين= معسر وأوفاه ديانه
منزل فريد المها والزين= عطبول مكحولة اعيانه
ودي بنسيانها ومنين= ينسي محمد الخلانه
أطيع انا في هواة اثنين= سلطان قلبي وشيطانه
حبي انا ناس قصيين= وابغضت قومي على شانه
أتبع هواهم من أين إلى أين= وأحظى بشوفه ورضوانه
ماشفت برق سرى مابين= ذيك الحواجب بليونه
الى اخرالقصيده
واقول ياهل الهوى عزين= ماقال محسن العثمانه
ياعاذلى بالهوى جاك البين = عساه ياطاك بحصانه
تصبح وتمسي وفيك أمرين =فرقا وليفك وهجرانه
وقال محمد بن لعبون رداً على قصيدة بن ربيعة:
ياعبيد من قصت يمينه شماله= يشوف فعله ذاك عدل ولو مال
أقرب قريب له اٍلى شاف حاله= لاناشد عما جرا له ولا سال
ماينطح السيل المحلتم خياله= فى جارى البطحاء كما كفت الجال
أحسب رفيقي يستحي من أظلاله= وأثره اٍلى شاف المواليم خيال
يامن بدا بالقيل هذابداله = قول بدل قول ومال عوض مال
والكل منا لويطاوع مقاله= فالقول ميسر والحكى عند الافعال
والصدق يبقي والتصنع جهاله= والقد مالانت مطاويه بتفال
من مسنده داود واحمود خاله= مثلك وكاظم له بما قال فعال
ما واضع راسه بشيل اثقاله= لو حملهحملين صرف الدهر شال
افهم نباى وعرضه من قرا له= بينت لك مايعتنى الكذب رجال
انشدك من قفا وخلا أعياله= في ذمة العدوان والحرب وانجال
ترمي شررها مثل صفر الجماله= والبيض تنخا والمناعير ذلال
تقول عذرهم عسى الستر فاله= مكل رجال تشوفه برجال
واللى بكفه صيرم او سلاله= مثل الذى خضب يمينه والاشمال
يوم استقروا عند راع الوكاله = حيثه مدير للقنازع وفتال
والكل هذا رايم ذا وذا له= طيرين هو ويا رفيقه بسروال
رادوا يديرون الفكر بالعداله= ودراهم عن واهج الحرب ولوال
وخلوه يبدل حاله غير حاله= يارجى كاظم وهو قبل حمال
من عجز عن تخليص ملوى حباله= ماعنزك عن خيل جمع ابن صلال
اقفا من السده بليل وباله= وهبايب هبت عليهم وغربال
واعتض عن حيه وخيم اٍقباله= يومين والثالث طرا له على البال
ينخا لهم من فوق خيل العداله= مالت عليهم وعادة الحرب ميال
يزجر لفال الطير والطير فاله= في مستقر السيح يا خيبة الفال
واستدرجه كاظم وكاظم ازماله = من ركبها يا زي لها دوم زمال
وارخص نجيب الخال غالى حلاله= خزاين ما اعتاض عنها بمثقال
لولا حمود مع داودشاله= ما استملك البصرة ونثرها لاموال
وعصي مشيره والذى قد سعى له= بالصلح والنيات سيات العمال
شتان في شانه وعزل ارجاله =ضرغم يحدى لها كل رجال
اقطع من الهندى نهار السلاله= واجر على العيال من سايل سال
لا ركة فيهم ولا من ملاله= لكن قومي حالها غير ذا الحال
ينخا بتاليهم وخيله اعداله= مالت عليهم وعادت الحرب ميال
جموع بناها مثل نفذ الرماله= هبت عليهم نسمت الريح وانجال
في مارد كالحوض صافى زلاله= وردت اكبار الروس حاديهم اللال
ترزم نهار الكون صار الوغى له= سلم نجاة وظل مابين الاعمال
يرجي السعد منهم وذا من هباله= وصابه كما صاب لزناتى بالامثال
وارخص بنفس لا عليها ولا له= غابط بها عمره على كن وأظلال
واقفى مصر كن جاكات شاله= جلمودصخر حطه السيل من عال
مارد في دار تركها اقباله= ظلت قريب الحول يحيا به اصلال
شفتوا بها يوم علقت به احباله= بوجود من لا ضيم بالعرف خيال
شيخ الطوايف نعم من هو لجاله= سور السرايا يوم الاهوال تنهال
ماهو بفخر تتقى في اجبالهه= اثرك صحيح مثل قول من قال
العز مايعنى لمن لا عناله = ياشارب بكفوف غيره من اوشال
رجل تغذا بالطلب من خواله= واعتادهم يبغى العشا عقب عبدال
زيد الربيعة باد صفحة انعاله= واخوه عبد الله بالاقفا والاقبال
بالعون وين اللى مضا من اجياله= ويش الفكر وان باغتك فخ حبال
من كان ملق للمواريح باله= ذاق العنا باله واصبح ولا طال
هذا ومن قصت يمينه شماله= خسران في حاله مع غالى المال
وله ايضا:
سقـا غيـث الحيـا مـزن تهـامـا=علـى قبـر بتلعـات الحجــازي
يعـط إبـه البختـري و الخـزامـا=وتـرتـع فيـه طفـلات الجـوازي
صــلاة الله ربــى والســلامـا=علـى مـن فيـه بالغفـران فـازي
عفيـف الجيـب ما داس المـلامـا=ولا وقف علـى طـرق المخـازي
أبـو زرقـا علـى خـده عـلامـا=تحـلاهـا كمـا نقــشٍ بغــازي
عليـه قلـوب عشـاقــه تـرامـا=تكســر مثـل تكسيـر القــزازي
عذولـي فـي هـواهـا بالمـلامـا=يعـزينـي وأنـا مـانـي بعـازي
سلينــا لاحــلال ولا حــرامـا=عليـهن الطــلاق بـلا جــوازي
وحيـاة الشــوق فيـها والهيـامـا=وقــدٍ منـه يهتــز اهتــزازي
فــلا بـي عقبــها زادٍ ولا مــا=وجزت من الغـوى والغـي جـازي
وخضت ابحور ليعات تطاما= خلاف الخل مادرى وين بآزي
نكيف الهم في قلبي تراما= وجيش البين بالغزوان غازي
أريد وانكسر كسر السلاما= بسيف جرده ماهوب هازي
على بخت الدهر ليته تعاما= وخلاها وليته مايوازي
وليتنى محكيت بها واناما= بكيت لها وفي قلبي حزازى
أسلم له ولا رد السلاما= عزيز من عزيزات أعزازي
أظل هايم دود الدواما= أهمومي فيه تنحاز انحيازي
أباح الله يامن باملاما= يسلم يوم ترزان الروازي
وصلاة الله مني والسلاما= على قبرى بتعلقت الحجازي