سلام يااهل المرجلـه يالموازيـن=يالي لكم بالقلـب قـدر ومعـزه
روس الرجال الطيبيـن الوفييـن=اهل الوفاء والطيب في كل حـزه
قحومةٍ وجبـار وايضـا دلاقيـن=الاسـم جامعهـم وحنـا نعـزه
أسمٍ على وضح النقا للشجيعيـن=ميزان مثل الضلـع محـدٍ يهـزه
ربعي هل الطالات بالعسر واللين=رجالهـم بالطيـب محـدٍ يلـزه
ايوا الله انـا لتسلطـن سلاطيـن=ورجالنا عـن كـل ذارب منـزه
وفعالنا ماهـي بوحـده وثنتيـن=لا والله اكثر من عدد شعب غزه
بالقرن لفعول النشامـا براهيـن =كم راس شغمـومٍ بيدينـا نجـزه
وبالشعب كونٍ ما حصل بالأكاوين=يوم الرشيد اعذر بمالـه وعـزه
وخوينا من وسط سجن المساجين=جبناه واللي يعترضنا نكزه
بالسيف والشلفا وبارود مارتين =والرمح في صدر المعادي نغزه
يوم الفشق مثل المطر والدهر شين =بالفيضه الخضراء علمنا نرزه
وبيدينا نمنع حياض الخصيمين= ولكل ظالم في عيونه نطزه
وليا قضى رجالنا بين رجلين=ماهو من اللي كل شئ يبزه
وها أنا أشارك في هذه القصيدة الجميلة وقد أضفت بيتين وبسرعة وفكري مشوش لأنني لست حاضر فكرياً صراحة...
وأنا قد نسيت هذا الموضوع ولم أرجع له إلا الآن فليعذرني أبو عيسى والأخوان..
أبن مصاول