اقتباس:
المشاركة الأصلية كتبت بواسطة علي حميدان الدجيما
اليوم انا فالمنتدى شفت طاروق =من واقع الافكار ماهو خيالي
وعجبني التركيب والوزن والذوق=من شاعرن يكتب بيوتن جزالي
في عزوتن تنزل على الطيب من فوق =مثل النجوم اللي تقض الجبالي
والمنتدى راعيه بالطيب محروق=سلايل اللي يحتمون التوالي
الاد مدلج مكسبت فعل مسروق=الا بفعل ايمانهم بالرجالي
شيخان لاجا فالسما عج وبروق=وتطامروا فوق الخيول العيالي
يما احذفوا من راس عاقل ومطفوق=في ساعتن فيها يضيق المجالي
على الخصيم ويونس الضيم ويذوق =زرق الرماح اليا انزلوا للقتالي
وايضآ ترا فعل الموازين موثوق=عيال القحم وجبار ياهملالي
افعالهم يفخربها كل مخلوق=في نجد وجبال الحجاز وشمالي
|
ما شاء الله..ما شاء الله لا إله إلا الله درر يا بو حسين درر لله درك ....
لقد أستمتعت بقرأة هذه الجزلة اعلاه
وايضآ ترا فعل الموازين موثوق=عيال القحم وجبار ياهملالي
افعالهم يفخربها كل مخلوق=في نجد وجبال الحجاز وشمالي
والله ونعم وسبعة انعام
تقبلوا مروري وشكري وانبهاري بالقصيدة أعلاه