بالله يا واحد وعلام الاسرار =يامنزل القران ايه وسوره
للحزن دارن بعد سيد الدار =وانا سكنته وحتواني شعوره
عشرين فاتن والحزن بانيله جدار=حتى بناء قصره بعد شد سوره
من بعد ابوي اللي له العز معبار=لو غاب زوله حاظرن دوم نوره
الشعر يعجز في طويلات وقصار=وشلون يرثي وافاتن شبوره
يالله عساه باردن وسط الانهار =في جنة الفردوس يلقاء قصوره
صحيح بعده ذاقن طعم الامرار =والمرجله بعده بضيق ومحكوره
لكن قلبي مؤمن بكل الاقدار =محدن مخلد فالزمان وعصوره
والموت حق وقاصف كل الاعمار =والنفس صباره ولله شكوره
فرقا العزيز من البشر سيف بتار =والادمي لا ينخدع في غروره
تلقاء صديقن عن صديقن وتختار =لكن ابوي من هو يمثل حظوره