السلام عليكم ورحمة الله وبركاته :
لاقيل وين مطير وأخفن الأرماس = الراس بين محقبه واللهابه

كزولهم من عقب الامطار عساس = وتباشرو بالصلب كثرة شرابه

قاد السلف وستجنبو قب الأفراس = وحطو جنيح شدة(ن) من حرابه

أمهارهم في غبت العج غطاس = ويمانهم ترمي العشاء للذيابه

لباسة الماهود والدرع والطاس = ومذلقن تدني المنايا ذبابه

يتلون أبن سلطان قطاع الأرماس = كونه صباح وكون غيره أنهابه

يقدى جموع(ن) كنها ناب الأطعاس = وصم الحوافر ماعرفنا حسابه

هذا صباح(ن) منه الأجناب تقتاس = ألا لفى الطرقي الأخر حكابه

جازت لنقال الصدى ذلقة الماس = وكون(ن) تقطع بالرضيمه ضبابه

الخيل راحت بالرباعيين غلاس = ماعفتوهن ناطحين الحرابه

ماهو ردى في مرذية كل عرماس = لاشك جوهم خارقين المهابه

خلو على مرحانهم حمر الأكياس = والبن الأشقر ماهتنو في شرابه

من ضرب علوى خيلهم تمرس أمراس = أمراس صيد(ن) مقتفيته ذيابه

ياشيخنا مالك حلي(ن) مع الناس = أسمك تسمابه عيال الحرابه

أسمك على جسمك وفعلك على ساس = وفعول أهلكم من عصور الصحابه

ميحارب الدوشان كود أنقر الرآس = الله يمن خوف من لا سعابه


اعجبتني هذه القصيده وحبيت انقلها لكم
تعليقكم يزيد من حماسي فلا تبخلوا علي
م............................ش