حياكم الله
بالامس
انا ومعي اثنان واحد عضاله والثاني حربي
قمنا بحنشله على احد النخيل الواقعه بالقرب من الحي كان اللي ماسك بيرق الغزوه الحربي والمهاجمين انا والعضيله هههه
انطلقنا في الرابعه والنصف عصراً ناحيت الهدف ..........
وعند وصولنا للهدف تعلق اخوكم في النخله وقد ينقي ويعطي العضاله اللي موقعه تحت النخله والذي بدوره امتلت يدينه وراح وجاب كيس من السياره طبعا حامل بيــرق الغزوه عند السياره حجته يقول ابي احرسكم وبحرس السياره المهم صفته مراقب بس اللي انا اشوفه (ان ركيباته توجعه مايقدر يمشي على رجليه بالحيل وعمره متعدي 60 سنه )ههههههه عديناها له وقلنا خلك بس حول السياره لاتروح
وعند رجوعنا من الغــزوه غانمين ومير هالشايب يطيح لك بهالرطب وحنا نمشي ماوصلنا مجلسنا
المهم رجعنا وغسلنا الرطيبات وقبل ما ناكل منها قلنا ياولد خلنا نكلم راعي هالنخيلات عشان يحللنا اتصلنا عليه وعلمتاه والرجل ماقصرحللنا هههههههه
بس بقى رفيقنا الحربي قلنا انت اكلت حرام وقبل مايحللك الرجال المهم قعد يدافع عن نفسه وكان عصريت الامس جميله مع هالخويا
وبعد ماخصلنا وشبعنا من الرطب تذكرت التصوير فجبت لكم معي صوره لما تبقى من هالرطيبات
عاد سؤالي للرمح واخص ابن مصاول مسوي نفسه خبير بانواع النخيل ماهو نوع الرطب اعلاه يقولون انه برحي والثانين يقولون انه خلاص ووو الخ ....منتظر الاجابه من الخبراء
وهذه قصتي عصريت الامس وسلامتكم