الشاعر المبدع / علي بن محمد الجش ( ضيف الديوانية )
ورد رسالة عزيزه من الشاعر
علي بن محمد الجش وكان لزاماً علينا طرحها في الموضوع
نص الرسالة :
شكر وعرفان وتقدير للأخ المهندس / محمد بن عون الله الشلاحي ( منسق موقع قبيلة مطير ) على تكريمه لنا بدرع ديوانية مطير وكتاب موقع قبيلة مطير , فقد قرأت الكتاب القيّم ( موقع قبيلة مطير على شبكة المعلومات ) ووجدته تاريخي بحت وهذا ليس بغريب على منسق موقع القبيلة فقد بذل جهده ومجهوده من أجل القبيلة - هذا والله يحفظه ويرعاه مع القائمين معه على الموقع ..والف شكر على ما تبذلوه من جهد .
وتقبل مني هذه الهدية :
ابا اشكر اللي بالوفا يرفع الراس = عز المطير وكل من جاه حياه
كلمة هلا يا مرحبا بين الأقواس = الله يحيي ضيفنا عدة أخطاه
إن جيت أبن شلاح والبال محتاس = تروح من عنده وتشكر مزاياه
محمد اللي صار للطيب نبراس = عشق التميّز رغبته لا عدمناه
سطّر فعول مطير ساسٍ على ساس = دون لها تاريخها حفظ وابقاه
على الأمور الطيبة فأنت حساس = نورٍ طلع ما شفت مثله وحلياه
تسلم يمينك يا محمد عن الباس = يا راعي التاريخ جبته من أقصاه
أقبل تحياتي من الراس للراس = أبو هلا معروف بأسمه وطرياه
أخوك الشاعر / علي بن محمد الجش
( منسق موقع قبيلة مطير )
اتقدم بشكر الأخوة الأفاضل ومنهم الشاعر القدير والموهبة الراقية الشاعر / علي بن محمد الجش , ولعله وصفني باكثر مما استحق ...فسامحه الله وجعلني الله خير مما يظن بي الناس وغفر لي ما لا يعلمونه الناس .
يا قصر الحومة اللي صورتك في القلب مرسومة= على قوقل نشوفك عبر الأقمار الصناعية
بناك اللي فعول الطيب من طبعه ومقسومة = يا مال العز يا قصرٍ تقام ابه الثلوثية
الشاعر : عبدالله عون الله الشلاحي ( أبو فارس )
http://www.mutair.ws/vb/uploaded/501_1206998039.amr
وبالأقمار الصناعية تستطيع الوصول الى
مكان انعقاد الثلوثية ( قصر الحومة الثقافي ) بأستخدام قوقل ايرث وتجد المربع يشير الى القصر
ولك خالص التحية والتقدير ،،،