هذه قصيدة مدح في رجل يستحق المدح والثناء وهو الشيخ مسير بن سلطان الدويش رئيس مركز الارطاوية
ياكاتبين الشعر من غير عنوان = بالله بعض الشعر لاتكتبونه
لاتمدحون الاطويلين الايمان = الي جزيل الشعر يستاهلونه
المدح يبغا مثل مسير وسلطان = الي مقاديم الخطر ينطحونه
دوشان لاجات المواقيف دوشان= وخصيمهم لوهو جبل يطرحونه
افعالهم بالطيب في كل الاوطان= ومن طيبهم مايقبلون المهونه
اخوان جوزا يوم روغات الاذهان= من مثلهم بين العرب يذكرونه؟
من يجهل الهارف بحزات الاكوان= كم راس شيخٍ حوله عن متونه
ومن يجهل الاكوخ على مر الازمان= الي على العدوان تلفي ضعونه
للخيل خياله وللطيب عنوان = والديم تعرف مطرته من مزونه
وارجع لموضوعي وابا امدح كحيلان= الي مقاديم العرب يذكرونه
مسير زعيم المرجله طير حوران= هذاك ابو سلطان ماتجهلونه
صيته من الصمان لاحد نجران = وحتى مماليك اليمن يعرفونه
وايضا هل الحره وحايل وبرزان = واهل العراق بهيبته يذكرونه
ومن بحر جده للحديثه لياعمان = يدعون له بالخير ويمجدونه
وشلون لا؟ واسمه مع اهل الوفاء بان= والناس في وقت الخطر يزبنونه
لاقام ابو سلطان كل الامر هان= الباس زايل دام مسير زبونه
عز الله انه ساعة الضيق مزبان= والماقف الغصاب ماصار دونه
ماصك باب البيت لوكان ماكان= والي يبون الشاذليه يجونه
اقولها من قلب وشعور ولسان = ومطير فيهم ناس من هالنمونه
وانا من المطران والجد ميزان= شاعر مطيري قام يطرق لحونه
وليا مدحت الشيخ مانيب غلطان= الي مقاديم العرب يذكرونه