يا مل قلبٍ يلج..وداخله رنه=لجة ضرايا على عدٍ عوى ذيبه
او لجة الفرد..يوم أقفاية الكنه=وسهيل والقيظ..مقبلةٍ ملاهيبه
حيران شولٍ مشاحينٍ حدتهنه=ظلت على الحاض ..تقبل به وتقفيبه
وان جنه أرداف ..والمفرود ضدنه=والحاض توحي التضارس في مصاليبه
يا رازق اللي بيوته مالفتهنه=عليهن الدرب بينةٍ مهاذيبه
النار كلت الحطب والنجر اكل بنه=والرزق عند الولي من حيث ينوي به
ماهمي إلا الدلال وثالثتهنه=كبشٍ مربى ليا لزمت مواجيبه
يا زين خبط الركايب في سندهنه=هودٍ من الليل خايبة مشاهيبه
أفرح بهنه..ليا جني باهلهنه=واقوم عجلٍ لضيف الله واهلي به