هين مردك للفرج يااكبر الضيق
دام الليالي تقتفيها ليالي
هي بس تبغى طول صبر وتوافيق
واشيل هم الناس كله لحالي
عمرالمربط مايسوق المطاليق
والحرماترضيه غيرالمعالي
ياصاحبي وان زادظلم المخاليق
لاتحسب ان الله عن الخلق سالي
والطيب يمحي العيب عرف ومواثيق
والاالخطا ماله على الطيب والي
واللي جرحني بين حدب ومعاليق
مااخفي عليك انه الاالحين غالي
ياحلمي اللي مالك اليوم تحقيق
حبك حقيقي بس وصلك خيالي
الحب يفضحني وان اخفيته يويق
وان مامضاله بالوفاء مابقالي
جرحتني مختار ياحالي الريق
واسامحك مجبور ياراس مالي
صوره ولايحتاج الاحساس تعليق
اركض رجا ويطيح ميس ظلالي
وان كان بيبان المشاعر مغاليق
فماهوجديد ان الزمن ماصفالي
ليت الهوى جمعه ولافيه تفريق
اوليت ماللبعد فالقلب صالي
ياصاحبي وان شلت لك فوق مااطيق
فانا لحالي جيت وارحل لحالي
وهين مرده ينتهي كل هالضيق
دام الليالي تقتفيها ليالي
مما راق لي