لو خيروني بين مليون رجاااال = " والكل منهم عاشقن مشتريني
بقول كلمه دايم الدوم تنقال =دوم اتردد بين قلبي وبيني
ان ماخذيت اللي له القلب ميال = عقبه فلا اخذ كل رجل(ن) يبيني
يمكن بعيدن بالمسافه والاميال = لكن قريبن بين قلبي وبيني
اشوف به شيخن على كل الازوال = إليا لفى فزوله الحاظريني
متسيدن في وسط قلبي ويختال = يملك حياتي بس وينه وويني
اللي رفض كل العذارى ولا طال = الا خفوقي بالهوى والحنيني
وشلون ابقنع خافقي فالزمن مال = ان الظروف القاسيه ماتليني
وشلون ابرضى عقبه باي رجال = وشلون ابدل نور عيني بيديني
دامه حفظني في عيونه ولا زال = طيفه على طول الليالي يجيني
ابيه يذكر كلمتن دوم تنقال = دوم اتردد بين قلبي وبيني
ان ماخذيت اللي له القلب ميال = عقبه فلا اخذ كل يبيني