السلام عليكم ورحمة الله وبركاته
ياجماعة الخير النقاش يتم بهدوء وعقلانيه
وانا ما احب اناقش الا في المفيد دون التعدي على الغير
والمهاترات مالي فيها
و الله ماشفناه بس بالعقل عرفناه
هالحين انتم اختلفتو ..وتقولون انت تبي تغير مسار الموضوع
ابن رباح يقول ابن عديس وهو موثقها
والرويس يقول ابن فهيد وهو موثقها
طيب بكره من بيكون..؟؟
خلو العتيبي على جنب انتم تناقضت رواياتكم وانتم عيال عم
ولو ترجعووون لكلامي السابق انا قلت لو كان ابن فهيد غير المذكور
ارجو ذكر اسمه عشان مايكون فيه ملابسات
وهذا هو الصحيح
وعلى العمووم امارة الشيابين لذوي فهيد
يعني كلهم يقال لهم ابن فهيد
ولكن اشهرهم على الاطلاق وعند الجميع هو هذال
واي سالفه يذكر فيها ابن فهيد الكل يذهب الى هذال
غير كذا
الروايه الاولى تقول ان العتبان كانو يحفرون الحفر ويختبئون فيها
والثانيه تقول انهم تسلقو الجبال هرباً
وبعدين ليش مايتم تقبل النقاش برحابة صدر
ترى والله مافيه سيوف مشهره وذبح وذبيح
حنا ريجيل وواعين مابينا عتيبي ومطيري وتغيير مسار
ترانا اكبر من هالعلوم
ذكرتوني بهالبيت
الغــــرب يصنع طائرات وصواريخ
والشرق الاوسط ضاع نفطه بلاشـــي
حطوا لهم في صفحة العلم تاريـخ
وحـــنا بماضينا نعيد النقاشـي
عزالله انه صدق واكبر دليل الموجود بالمنتديات
والله مالوث تاريخ القبايل الا هالنت
الله يهدي الجميع بس