يالله أنـي طالبـك ياسميـع ويامجيـب=ياالـه ٍ كـل خلقـك لعفـوك ترتـجـي
أهدنا يارب للخيـر والـراي المصيـب=أنـت والينـا والـك ياالهـي نلتـجـي
الرقيب أنته على الخلق ماغيرك رقيـب=ماحسبت حساب غيرك هذا هو منهجـي
ولا حسبت حساب راع الرديه وش يجيب=مالتفت في هرجته لو يجي مهمـا يجـي
لو قالو فالمثل كـل حـق ولـه طليـب=قلت من تابع كـلام السذاجـه يسذجـي
ولوقالو هرجة ٍ فالقفـاء يمكـن تصيـب=قلت من صدق كلام السماجـه يسمجـي
ويمكن تقولون فيه هـذه امـره غريـب=ويمكن تقولون هـذا الزمـان الاهوجـي
أما انا باقـول ياراعـي القلـب اللبيـب=كل رجل ٍ مـن لسانـه تـراه متوجـي
رجل هرجه مايقيم عليه أضرب صليـب=بلطجي واللي يصـدق كلامـه بلطجـي
نظرتي علياء وعين الردي دايم قريـب=والجبل سمي جبـل مارقـاه الاعرجـي