السلام عليكم ورحمة الله وبركاته
هذه مصافحه اولى اتمنى ان ترتقي الى مستوى ذائقتكم الرفيعه
واليكم النص
/
/
/
/
/
/
قله يجيني دامنـي ميـت(ن) فيـه=ماعاد قلبي يحتمـل طـول فرقـاه
قله محب وينتظـر شـوف غاليـه=له مدت(ن)غايب عن العين وش جاه
ان كان يبغينـا فـلا شـك نبغيـه=وان هـو تناسانـا ترانـا نسينـاه
مانتبع المقفـي ولـو كـان نغليـه=مانتبعـه لايـوم حـنـا تبعـنـاه
كانه لقى غيري عسـى الله يهنيـه=والله يحفظه فـي حياتـه ويرعـاه
وجعل السعاده فـي حياتـه تباريـه=ويلقـاه منهـو فـي حياتـه تمنـاه
ماني على فرقـاه بنـدم واراضيـه=خلـه يولـي كـان عـزَم بفرقـاه
بعز نفسـي عنـه وابعـد واخليـه=وامحي مع الايـام حبـه وذكـراه
وتقبلوا خالص تحياتي
اخوكم/مقرن بن رومي
الشــــ الصل ــــــايب