ذكرى عزيزه للوطن حلت اليوم=ذكر التوحد من شتات وخصومه
جمع شتات المملكه منقذ القوم=أول بشايره الرياض بقدومه
حرٍ تنهض للبطولات زيزوم=عبدالعزيز الصيرمي في عزومه
صالح ومصلح بدل الجهل بعلوم=والشرع ثابت في سجل الحكومه
هذاك أبو تركي شهر وأعتلى الحوم=وصفا سماها عقب ماهي بحومه
وحّد شتاتٍ كان للأمن محروم=والجهل ولا ما بقى إلا رسومه
مرحوم يا من وحد الشمل مرحوم=واللي تذكر سيرته من يلومه
خير السلف عقبه صناديد وقروم=كلٍ على التوحيد عصب كمومه
في سيرته يمشون قومٍ بعد قوم=عياله اللي سلمهم من سلومه
ريف الضعيف اللي من الدهر مهموم=إن جارت الدنيا وزادت همومه
و من جنب الملله عل الخشم ملطوم=اليا نحرف فكره وشانت علومه
يا دارنا بحماك ما حد مضيوم=يا ديرةً بين الديار محشومه
من حشمة اللي من خطاياه معصوم=ومحطم الأصنام في وسط قومه
اللي نشر بالحق دينه ورا الروم=واللشرك والإلحاد وجه سهومه
وصلاة ربي عد ما هل ديدوم=أزكى صلاةٍ للنبي مختومه