قالت هواجيسي بعد طولت هجران وصـدود=سـلام رده ريحهـا ريـح عـود وشاذليـه
الحمل يابن جفين من فوق ظهر شعيل مشدود=وشعيل مأمور ومنهي مـع الأرض الخليـه

أنت معك معنى ونيه ولي نيـه ومقصـود=يامرحبـا ترحيبتـن وافيـه ميـه بـميـه
شعيل ياسلمـان مايلحقـه شكـه ومنقـود=يسرح ويمرح يابيض الوجه في نجد العذيه

انا معي معنى لكن انتبه للبيـض والسـود=اشاعر اللي ودي انشده عـن ذيـه وذيـه
الي يشيل البندق الي بلا صفـره وعبـرود=كنه حدا نفسه على الموت من حوض المنيه

منته بظالم واكثر اللي يقال سهود ومهود=وانته ماشاء الله تنطح القوم وعزومك قويه
انته تتل الحبل ياصاحبي والحبل مشـدود=والراعي المصلاح عينه على كل الرعيه

ماهي سهود الا سحابه ومعها برق ورعود=مسّك بردها وأصبر شوي وتصيرالضحيه
انته قوي الباس لامنها هبـت لـك النـود=وان جاك شعف السيل ماعاد في عينك بليه

بعض المخايل من مطرها ترى مايثمر العود=وقتن تغير فيـه حتـى الريـاح الموسميـه
انا قوي الباس دايم واعرف النقص والـزود=وان ضاع لي ورى الرياجيل حق اشره عليه

اثرك تبغى العود يطلع وينبـت فيـه عنقـود=سلمت مره واربـع امـرار قاضبتـك يديـه
ما الله خلفلك يابيض الوجه في طرقتك مجهود=هـذي سـواة اللـي يـزل العلـوم الأوليـه

خل القراده يابن فيصل ترى منته بمقـرود=قدام لا نسقيك مـن سـم داب وسـم حيـه
انته ونعم وارث(ن) شعرك الطيب من العود=اللهِ يرحـم والـدك وانتـه يخليـك لـيّـه