لعنبو ذا الوجه يـاوارد عـراوي=كيف غرزتي بنا وانتـي جديـده
الدروب مهـود مافيهـا مـلاوي=والكفر نيلـون والسايـق وليـده
تطلبين اثنين والخـط متسـاوي=جعل ما يبقى حديد مـن حديـده
الحموله تيس والسواق ضـاوي=والرفارف خوص والشاصي جريده
خاب ظن اللي هقا فيك الهقـاوي=عقب صرتي في مطاليبـه بليـده
وكل شيٍ يخلف القلب الهـواوي=يوم مضنونـه سكـن دارٍ بعيـده
باتمنـى ليتهـا لـي بالمنـاوي=يختلط ماها بزيتـه مـع حديـده
لين تعجز راعي الطـب المـداوي=لابغى توضيبهـا تفجـر وريـده