ابن مصاول صبحك الله بالخير:
جلست اقرا ملاحظتك اكثر من مرة مدري وين الاشكالية بس راح اوضحها لك بالشرح.
(عونة الرشايدة هم رشايدة ذوي عون وموازرة الرشايده هم رشايدة الموهه)
العونه فخد مستقل من الرشايدة .(يتبع ذوي عون)
ذوي عون فخذ من مطير- الفرع العلوي.
الموازرة فخذ مستقل من الرشايدة.(يتبع الموهه)
الموهه فخذ من مطير - الفرع العلوي.
كذلك هناك صياد والنصافية من الرشايدة (يتبع مطير-الفرع العلوي)
المقصود :مطير قبيلة قوية تحمي اللي حولها والناس تجمع حولهم يوم الامن مفقود عشان يامنون على نفسهم وعيالهم وحلالهم من القبايل الثانية وسلامتك.
عشان تتضح لك اكثر .ابروي لك سالفة توضح لك الامر اكثر:
فيه هرشاني يتبع ضيدان الفغم ( ابو سحلة مجلي ضيدان وقتها)طير وبغاة يشترية واحد من الدوشان (جالي عندهم)وعيي الهرشاني قاله الدويش لو اطلقت طيرك يالهرشاني ذبحتة .
علم الهرشاني ضيدان وحلف ضيدان ان الحر بحر ,قالة اطلقة بين الموهه وخل احد يلمسه الزبدة اطلق طيره الهرشاني .
ذبح الطير شلفان وضيدان يشوفه والحق اخو ضيدة الحر بحر (ذبح شلفان)فيها قصيدة حلوة.المهم هذي روايه توضح لك ان الناس تتبع القوي ليحتمون فية حتى وهو جالي .