الموضوع منقول من أحد المنتديات ، يا أخوان ماصحة الموضوع وأرجوا من مؤرخي القبيله أثباته او

نفيه بالأدله .

= = = = = = = = = = = = = = = = = = =


يبدو ان انه أختلط ما سيلها والابطحي للأخ صقر البرازات
فاالقصيده التي ذكرت كانت في مناخ الرضيمه الشهير
والسبيه بعد الرضيمه باالتقريب حول ثمان سنوات

الشيء الثاني ان سبيع والسهول عينان في راس ويعتبرون قبيله واحده لاكن بكيانين
الشيء الثالث ان ابن سعود ماله صله باالسبيه لامن قريب ولابعيد بل ان عساف ابوثنين طلب المساعده منه ضد ابن عريعر فرفض ابن سعود مساعدة عساف لعدم تكافئ ابن سعود مع العريعر في ذلك الوقت من ناحية القوه ثم ارسل عساف مرسوله لأبناء عمومته السهول ولبوها وحضرو بقيادة الفارس والامير /ضويحي بن خزيم ابن لحيان رحمه الله
كما انه ارسل للقرينيه وحضرو بقيادة حمدان المتيهي القريني الذي سمي بعد هذه الوقعه اباالروس
لكثر مايضرب الفريس في روسهم

ومن الذين ابلو بلاء حسن في هذه الوقعه الامير ضويحي اللحيان ومطلق المصخ امير العرينات ذلك الوقت وكانو يبوجون الصفوف ويفتحون فرج للخيل حتى جا امر ابن عريعر بأدارت البيرق (خطاف ) بيرقه اللي تحته شوكة ابن عريعر في وجه السهول حتى توغل الامير ضويحي اللحيان وكسر البيرق وجة الكسيره عليهم وقتل الامير ضويحي اللحيان في هاذه الوقعه
وكان الطرف الأول
1 ابن عريعر واتباعه من قبيلته بني خالد+ مطير بقيادة علي الفغم + العجمان

الطرف الثاني
2 عساف ابوثنين واتباعه من سبيع + ضويحي ابن لحيان واتباعه من السهول + اباالروس واتباعه من القرينيه

وكان فريس السهول في هاذه الوقعه مايردون مراكيض خيلهم الا من عند بيوت العريعر حتى ان اهل الشور قالو لابن عريعر شد جتنا خيل ماتسند وهاذا ماخلاه يوجه خطاف البيرق المشهور في وجه السهول
وبعدها لم تثر لهم ثائره حتى وقتنا الحالي واليك قصيدة الشيخ برغش بن زيد بن عريعر بعد سقوط حكمه وسلطانه

وهي حزينه ومؤثره

يا الله ياخالف علينا تعبنـا=بدنيـا نجـاذبها و عيت تجينـا

صكوا علينا الباب واقفوا عربنا=وضاعت هقاوينا ومن به هقينا

لو هي عليهم كان والله تعبنـا=باموالنـا وعيالنـا مع يدينـا

يا ابن دويحس عقب هذي ذهبنا=والله ما يشرى بحـق حدينـا

سار القلم يا أبو محمد وشبنـا=واليوم مـارد الفوايت علينـا

اسباب فتح الباب سيرة سببنا=اوهام ياتي من سببهـا عدينـا

برباعنـا ياما وياما قصبنـا=من حول ضان وناب نوق سمينا

وياما على شهب النواصي ركبنا=وياما على عوج العصى التوينا

ياما على طوعاتهن قد لعبنا=وياما فهقنا روسهن وانتحينـا

بظهورهن ياما وياما ركبنـا=وكم واحد فارق هله من يدينـا

وياما على جرد السبايا ركبنا=وقلايع فوق المسارج خذينـا

وياما على ملح الفرنجي تعبنا=وياما على فرق وهيق بدينـا

وياما لجزلات العطايا وهـبنا=وياما رفعنا النفس عما عطينـا

وياما على شقر الجزاير طربنا=شقـر سماويات تنقل يدينـا

وياما بها من فرق ريم سببنا=ووعول في روس الشخانب ثنينا

وياما على زين القطايف لعبنا=وياما حـديناهم وياما حدينـا

وياما لحسنا الرشم وياما وهبنا=وياما لجزلات الوهايب عطينـا

وياما على غصن الصبايا لعبنا=نلوي على سمر الذوايب يدينـا

وياما من الشهد المصفى شربنا=من غصن غضات الصبايا روينا

واليوم من كثر الدواكيك عبنا=من كثر ما نفقد من الغانمينا

هيهات ياعصر مضى لو ندبنا=هيهات وين اللي مضى عاد وينا

حنا عمود البيت والبيت يبنى=والبيت ما يبنى بليا حدينـا

صرنا كما فرق الضحايا جلبنا=يالله يا غافـر عن المذنبينـا

ولي عجوز من بلاويك شبنا=لو ينجلي عن دارها قد جلينـا

اليوم من تعديل الأيام شبنا=وباكر نخـليها لمن مقتفينـا

ياخيبة الدنيا ولو به طربنا =ياابو محمد تقل ماشفت زينـا

وسلامتك
ومن يتصفح


منقووووووووووووول