يعيش ابوضيف الله الضرغام ياجعله يعيش
كُتب : [ 03 - 10 - 09
- 04:13 AM ]
يعيش زيزوم الوفاء والطيب ياجعله يعيش = الي على عز ومعزه بين كل الناس عاش
ابن مصاول في نهار اللازمه ماقال ليش = يقلط على الصعبات عاداته ينوش ولايناش
يوم ان بعض الناس ينبت له عل الاقراب ريش = ووقت العلوم الكايده يصير بالميدان لاش
يضحك بسنه بالرخا والقلب من داخل غشيش = مايدري ان الوقت ينجب له على شكله غشاش
قامويجيبون العلوم العوج قلنا ماعليش = من باع بالتقسيط في وقت القسا ماباع كاش
الي على ربعه يزوم وفيه كبر وفيه طيش = سحابته تمطر على شرواه عج بلا رشاش
ماتنفعه لافاتت الفرصه ولو يقول ويش؟ = قصة مثل معروف راس الضبي ماحوله عراش
والا انت من روس الرجال الي على الطوله تشيش = عيال مدلج كاسبين الطيب من وقت الغباش
الي ليا جات اللزوم وصار فيش ٍحول فيش = منزالهم روس الطوال ولايحبون الخشاش
والحر عقب له حرار ٍشقرماعقب كديش = وراسي ليا منه تذكر فعل بن زراق شاش
يعيش ابو ضيف الله الضرغام ياجعله يعيش = الي جمع ربعه على عز ومعزه وانتعاش
اقولها وانا من الي فعلهم ماهو خشيش = ربعي عيال بديد بالوقفات مروين العطاش
|