الوقت دورة فلك بين العبـر والفتـن=ولا هو . صحيح أن ّ دنيانا . على حالها
كم ضحكة ٍ . ما وراها الا العيا والغبن=وكم دمعـةٍ يبـرد الخفّـاق سلالّهـا
والفرصه اللي عليها ما دفعنـا الثمـن=الـروح تشفـق لهـا والعيـن تبرالهـا
ما كنّي الا غريبٍ شـم ريحـة وطـن=في ساعةٍ فال ربـي خيـر مـن فالهـا
شكره على قو باسه والصبر واللحـن=( الأرض بجبالهـا والـدار برجالهـا )
ولا عاد به عين تكرم من سببها مـدن=الناس قامت تقـاس بكثـرة أموالهـا
ولا فيه داعي تشيل الحمل يا ابو متـن=أبرك وغيرك حمـول القـوم يشتالهـا
الناس بأطباعها مـن ظهـر والا بطـن=لا تنشد أم اليتامى وش هـي أحوالهـا
حتى الذلـول العمانيـه بليـا رسـن=ان ساقها عمّها . مـا قادهـا خالهـا
ويا شيخ ياللي فلوسك ورثُت لك متن=الدلـه الوالمـه مـا ذقـت فنجالهـا
تدري وش اللي يغثْ الرجل في هالزمن=لا حب له ناس ما يطرى علـى بالهـا