بصراحه هناك شعار كبار يشاركون مما يعطي المسابقه اكبر درجه من المتابعه وهناك شعار مفاجاه و بنسبه لي اعجبتني قصايد فلاح عريج البرازي المطيري ، وهلال المطيري شاعر كبير ما خلونا نسمعه الله يهديهم بس اعجبني تداركه للموقف ورباطة جأشه ، ومن المشاركات الجميله هي مشاركة الشاعر علي بن علوش المطيري المليئه بالطرافه والممزوجه بالنقد الاجتماعي والشعري اللاذع و مفاجاة المسابقه هو الشاعر الخالدي وقصيدته الجميله اللي يقول فيها :
البارحه والجوع مس الذيـب يـوم انـه يعـوي
****************** علـى سنـام طـويـق والقـمـره وراه بليتـهـا
اخايلـه واقـول واعـزي لحـالـك يالـقـوي
***************** اللي تنقـى فـي سمـان الفطـح لا مـن جيتهـا
واللي باساميـك يتقلدهـا الخـوي مـع الخـوي
**************** والعـرب تبديـك التحايـا وانـت مـا حييتـهـا
واسمك على النخوه يعد وكل روس(ن) تشتـوي
***************** والوجبـه الحيـه تعشـاهـا وتـتـرك ميتـهـا
الجوع لو يدفعـك للمـوت الذحـاح المستـوي
*************** حشمت نفسـك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي
*************** وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
***************** مـا بيـن مرحـان الشـواويـه لـيـا عشيتـهـا
يا موجل(ن) قلب حضري يا موجل(ن) قلب بدوي
***************** ياللـي تشيّـم خــوة الرجلـيـه ان خاويتـهـا
عامل خوي الذيب في عصر الفـوات المنطـوي
**************** وقصتـك فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي
*************** لعيـون خوتـك الفريـده والبقـا فـي صيتـهـا
يـا ذيـب يكوينـي قنيبـك لا توحّيتـه كــوي
************** علـى غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي
************** لكن خطواتـي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
*************** وقبـل زمـان العولـمـه للـنـاس وآتيكيتـهـا
وقبل يغيب المنطـق الحسـي ويبقـى المعنـوي
**************** والغيـره تــوزع تجمّعـهـا عـلـى تشتيتـهـا
وقبـل النوايـا المستقيمـه ماتـعـاج وتلـتـوي
************** والنـاس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي
************** والهاشميـه فـي طـرف عيـنـي ولا دنيتـهـا
لا جيث ابرثي حالتـك ضـاع الكـلام اللغـوي
************** والمفـردات الـلـي تجملـنـي لـيـا عديتـهـا
والهاجس اللي كـل مـا فليـت حويـه ينحـوي
************* وافكـاري اللـي تتعـب الخافـق ليـا هليتـهـا
واخـاف لا تكمـل وينحـاك النزيـف الدمـوي
************* وابقـى علـى قـول المثـل خميتهـا واخطيتهـا
ياذيب واقنب خـل صوتـك يـدوي العالـم دوي
************ مـادام خانتـك الظـروف الله يـخـرب بيتـهـا