علي حميدان
يامرحبا يالسيف والعلم قدام=اليا ركبنا فالتبيس الجماعي
الله يرحم وجه حافظ وصدام=حطو قضيه مالها ايات داعي
السيف القاطع
دام البقا سلمت من كل الاوهام=وليا نوينا للسفر كـون واعـي
ياعلي مالك في قضية هل الشام=من بينهم منته هجوم ودفاعـي
علي حميدان
اقلط وخذ فالمنتدى درع ووسام=وحفض حقوقك لاتروح ضياعي
الصلح زين ومن قوانين الاسلام=والواجب انه مايصير النزاعي
السيف القاطع
في كل حزه لابسن درع واحزام=واخذ نصيبي من فمي السباعـي
واللي حلم بكره تصحيه الاحلام=واللي يعرض زبده الشمس ماعي
علي حميدان
الحمـد لله كلهـا خيـر وانـعـام=واليا وقفت مع الجماعـه شجاعـي
واللي مايعرف من بنا صرح الاهرام=يحـط فـي سـن الثنيـه رباعـي
السيف القاطع
الرجل يابو حسين مقدام جزام=على العلا دايم يجيه اندفاعي
مايجهل الاهرام ياكود الاقزام=مبدل القلب الحقيقي صناعي
علي حميدان
شفني تراي اليوم ماني كما العام=حطيتلي مركب غرام وشراعي
واللي فرك خشمه ولاجاله اعرام=معاد يلقـا فالوكالـه قطاعـي
السيف القاطع
مادام حضك ياعلي رز الاعلام=بين الجرايد ولاذاعـه تذاعـي
اللي يحج البيت يلبس له احـرام=مع الحجيج يصير طايف وساعي