المبدع / سالم بن رباح مشالله عليك متميز بمواضيعك دائما
شدني كلامك عن شيخ قبيلة مطير والمعروف ان الدوشان شيختهم بدأت على وقت وطبان الدويش ابو محمد على الموهه اللي أقتله جفران الفغم بسبب خلاف استمر 21 سنه على تزعم علوى والقصه معروفه والدويش مويهي صعنوني لاخلاف عليه بس أنت تقول مذكور في الوثيقه علوى ، اول من نزل من مطير علوى ولا هم كل علوى بس الصهبه والجبلان اللي منعوا قحطان يتعدون حصاة صبحا ( الفغم خلي في مرب المتالي ) بعد مقتل وطبان بن محمد هربت الموهه من المعركه ووقفت الصهبه والجبلان لقحطان لين هجت قحطان ولحقهم الإمام عبدالعزيز بن محمد وأدبهم بالجنوب وهذا الحدث بحدود 1157هـ الي 1201هـ ولما نزلوا قصد الشريف ( شدوا عنا حمران النواظر وخلوا ) القصص معروفه بس يبيلها ربط بسيط وتركيز وأنت خير من يعرف الحق ويتبعه أما شيخة مطير فكل فخذ عليه شيخه علوم الجيل الأخير شيخ القبيلة غير صحيحه وغير مقبوله مطير ماتجتمع الا للحرب واذا اجتمعت فيها اكثر من بيرق بيرق الفلان وبيرق الفلان وبيرق الفلان ، المقصود بكتابة بن سويدان شيخ مطير المقصود من حضر من مطير ذاك اليوم وتلقاه كبيرهم وسماه الكاتب شيخ مطير اكتفي بهالكلام وأتمنى معرفة قصدي .