1-سلام يااهل المرجلـه يالموازيـن=يالي لكم بالقلـب قـدر ومعـزه
2-روس الرجال الطيبيـن الوفييـن=اهل الوفاء والطيب في كل حـزه
3-قحومةٍ وجبـار وايضـا دلاقيـن=الاسـم جامعهـم وحنـا نعـزه
4-أسمٍ على وضح النقا للشجيعيـن=ميزان مثل الضلـع محـدٍ يهـزه
5-ربعي هل الطالات بالعسر واللين=رجالهـم بالطيـب محـدٍ يلـزه
6-ايوا الله انـا للتسلطـن سلاطيـن=ورجالنا عـن كـل ذارب منـزه
7-وفعالنا ماهـي بوحـده وثنتيـن=لا والله اكثر من عدد شعب غزه
8-بالقرن لفعول النشامـا براهيـن =كم راس شغمـومٍ بيدينـا نجـزه
9-وبالشعب كونٍ ما حصل بالأكاوين=يوم الرشيد اعذر بمالـه وعـزه
10-وخوينا من وسط سجن المساجين=جبناه واللي يعترضنا نكزه
11-بالسيف والشلفا وبارود مارتين =والرمح في صدر المعادي نغزه
12-يوم الفشق مثل المطر والدهر شين =بالفيضه الخضراء علمنا نرزه
13-وبيدينا نمنع حياض الخصيمين= ولكل ظالم في عيونه نطزه
14-وليا قضى رجالنا بين رجلين=ماهو من اللي كل شئ يبزه
15-يوم انها بالفر والكر عسرين=كم شيخ قومن في الملاقا نكزه
16-ون جات للقالات ربعي قويين=خسران من رجالهم يستفزه
17-لو ينتخون ابهم ضعايف فلسطين=والله مايمس اليهودي بغزه
18-الله خلقنا فالأوادم سلاطين =واللي يعادينا المنيه تكزه
19-مايهتني بالنوم من نطلبه دين=دايم قلوب اعدائنا مشمئزه
20-واليا غضبنا كن ثاير براكين=ولا همنا اللي كل شئ يمزه
21-واليا رضينا كل ما حولنا زين=وكلٍ تهنا بأكل عيشه وخبزه
22-وفعلنا واضحه وموثقه بلبراهين=وعدونا لقبل علينا نجزه
23 روس العرب من عام الأول وهالحين=خيالنا للحرب ما اقوا مفزه
23-ولا اقول عن باقي القبايل رديين=والدرب بين للفطين ويقزه
24-يا رب يا قابل صلاة المصلين=رحمتك في يوم البعث من محزه
25-وختامها بالمستكاوالرياحين=صلو على اشرف خلق ربي وعزه