السلام عليكم ورحمة الله وبركاته

أخي الرويس

ألا خذوا الذود ويوم شافوا ربعكم مستعدين تخلصوا من الذود عشان يقدرون ينجون بأنفسهم وأعتقد إن السالفة فيها لخبطة ودخل فيها كلام كثير لكن الثابت عندي إن ربعنا أخذوا الذود مع الرعيان وجوك مروحين ويوم شافوا إن مطير مستعدة وبيلحقونهم تخلصوا من الذود .

وبعدين يا أخوك دائماً اللي غازي ما يجيك وهو ما يعرف من يغزي أكيد كانوا متوقعين إنهم بيغزون واحتمال يغنمون ........ لكن اللي حصل إنهم تفاجئوا باستعداد قبائل مطير لدرجة إنهم لحقوهم وهم مروحين بالذود يعني فرسانهم مستعدين .

وترى الشدادين في هذي الغزوة يمكن ما يتعدون الـ 30 رجال ولا هم مستعدين استعداد لحرب غير متوقعة لذلك كان التخلص مما غنموا أفضل .

وقلما يغزون الشداديين مطير نظراً للبعد بين القبيلتين تقريباً 400 كيلوا يعني اللي بيغزي بيمشي مسافة مهيب سهلة لذلك كان الشدادين يغنمون من القبائل التي أقرب إليهم من هذه المسافة ولا يحتاجون الوصول لمطير لذلك معلوماتهم كانت شحيحة ولا يدرون عن معارك مطير ولا عن استعداداتهم .

وبالنسبة للبيت ..... ترى يثبت كلامي لأن ابن جبرين علم إن اللي غازي مهوب بن رشيد لذلك لحقوا بالشداديين ومن معهم وتسابقوا في ذلك حتى اضطر الشداديين ترك الذود اللي كسبوه مع الرعيان ونجوا بأنفسهم قدر المستطاع .

وترى كلن بيمدح في قبيلتهم لذلك يا أخي قارن بين الروايات حتى تصل إلى الحقيقة من دون تحيز ... الرواية اللي عندي تقول إنهم كسبوا الذود اللي ذكرت ولحقوهم فرسان مطير واضطروا للتخلص منه والنجاة بأنفسهم .

ملاحظة هامة : الشداديين والجياشة والشلاوى وناصرة وغيرها من القبائل يربطها اسم بني الحارث .

ويشرفني يا أخي الكتابة في منتداكم وأتمنى أن لا أكون ضيف ثقيل عليكم ويشرفني زيارتكم لموقع الشداديين على الرابط التالي :

http://www.shdadeen.com

وفي الختام تقبلوا مني فائق التحية والتقدير والاحترام .،،،

الشدادي