تستاهلين الجيب يا بنت الاجواد =خوذيه لطعوس النفوذ العبي به

لا عاد طيبك غالب طيب الاولاد=فاللي يحوش الطيب هذا نصيبه

هديتك وخذيه يا بنت وش عاد =عطيتي لك ما اعتبرها غليبه

وان حسفوني في عطاياي حساد =باقول راحـت به لـزوم وتجـيبه (خار )

وانا عطيتك والكرم شين لا زاد =واللي عطا ملزوم عهده يفي به

وان كان لي خاطر وانا اقولها جاد =بس ان وليتي طارته فاعتني به

ما اخفيك انا شاريه بديون واقصاد=والراجحي نصف المعاش يغدي به

اســدد اقـصاده قـبل لقـمة الـزاد=وما هيب في عصر التطور غريبه

وانا عطيتك وان تحسفت ما فاد =زود الكرم حزات يجـلب مصيبه