أول اقول الموت فيني ولا فيك
واليوم جعل الموت ياخذ حياتك
دامك تبيع انسان بالكون شاريك
موتك ولاتوهم لغيري صفاتك
فيني مشاعر كل ماانساك تطريك
تلعن وفاها يوم لاقت رداتك
وقف دقايق واذكر الي يواسيك
جفف دموعك قبل تاصل شفاتك
تذكر تجيني تبكي الظلم وابكيك
واشيل جرحك اجبرتني غلاتك
وان غبت عني كل مافيني يناديك
حطمت حلمي ورحت البي امنياتك
ادري الجمال وسود الاهداب كاسيك
لكن حسافه عكس وصفك خفاتك
ياما رجيتك ودمع عيني يحاكيك
طاوعت نفسك وكلمتي اليوم جاتك
ماابيك انا بدنياي والله ماابيك
رح ياعساك بجرح ينزف شقاتك
واول اقول الموت فيني ولافيك
واليوم فرحي ينولد في وفاتك
م ن ق